آج کی تاریخ میں دنیا بھر میں موسیقی میں سب سے زیادہ مقبول ’ہپ ہاپ‘ ہے اور بالی ووڈ میں اس طرح کی موسیقی کرنے والے فنکاروں میں ’بادشاہ‘ کا نام سرفہرست ہے۔

حال ہی میں بادشاہ نے اپنا نیا گانا ’گرل کون‘ جاری کیا ہے جو کہ ہپ ہاپ موسیقی کے 50 سال مکمل ہونے کی خوشی منانے کا ان کا اپنا انداز ہے تاہم اس موقع پر انہوں نےگانوں میں خواتین کا حوالہ دیئے جانے پر  اپنے خیالات کا اظہار بھی کیا ہے۔

مردوں کی اکثریت والی ہپ ہاپ اسپیس کے بارے میں بات کرتے ہوئے، ریپر بادشاہ نے کہا ہے کہ، “مجھے ہپ ہاپ انڈسٹری کے اندر اس ترقی اور شمولیت پر فخر ہے۔ ہمیں ‘بوائز’ کلب’ کے ٹیگ سے چھٹکارا حاصل کرنے کی ضرورت ہے۔ مرد اور خواتین فنکاروں کو ایک جیسی عزت ملنی چاہیے۔

ان کا کہنا تھا کہ، مجھے آج خواتین کو اپنے لیے وکالت کرتے ہوئے دیکھ کر خوشی ہوئی ہے۔ مجھے لگتا ہے کہ یہ نسل زیادہ بہادر ہے اور وہ بالکل جانتے ہیں کہ وہ کیا چاہتے ہیں اور وہ اسے کیسے حاصل کر سکتے ہیں۔

انہوں نے مزید کہا کہ “میں ایسی موسیقی کیخلاف ہوں جو خواتین کو کسی چیز کے طور پر پیش کرے۔ میرے گھر میں فیملی ممبرز ہیں اور میری موسیقی ذمہ داری اور احترام کی جگہ سے آتی ہے۔’’

بادشاہ نے اپنے متنازعہ گانوں پر بات کرتے ہوئے کہا کہ “میں آپ کی طرح ہوں۔ میں اپنی موسیقی کے ذریعے لوگوں کو صرف وہی بتاتا ہوں جو میں دیکھتا ہوں۔’’

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں