پاکستانی معروف اسٹیج ڈانسر مہک نور نے انکشاف کیا ہے کہ وہ اسٹیج پر رقص کرنے کی بھاری بھرکم  رقم وصول کرتی ہیں۔

ایک انٹرویو کے دوران مہک نور نے سہیل وڑائچ کی جانب سے پوچھے گئے کئی دلچسپ سوالوں کے جواب دیے۔

رقاصہ و اداکارہ مہک نور کا بتانا تھا کہ وہ تنہائی میں اپنے کام سے متعلق سوچتی ہیں۔

عمر سے متعلق پوچھے گئے سوال پر اداکارہ نے انکشاف کیا کہ اُن کی عمر 22 سال ہے اور وہ بہت چھوٹی سی عمر ہی سے اس شعبے سے وابستہ ہیں۔

مہک نور کا کہنا تھا کہ اُن کے اَن گنت مداح ہیں، وہ اپنی جانب بڑھنے والی محبت کو ہاں نہیں کہتیں مگر کسی کا دل بھی نہیں توڑتی ہیں۔

مہک نور کا ایک سوال کے جواب میں بتانا تھا کہ اُنہیں زیادہ گورے نہیں گندمی رنگ، لمبے قد اور مونچھوں والے مرد پسند ہیں ۔

اداکارہ نے مزید انکشاف کیا کہ وہ سنگل نہیں ایک تعلق میں ہیں اور وہ ایک کاروباری شخصیت ہیں۔

اسٹیج اداکارہ، و رقاصہ مہک نور کا مزید کہنا تھا کہ وہ اپنے رقص سے اچھی خاصی رقم کما لیتی ہیں۔

جس پر شو کے میزبان سہیل وڑائچ کی جانب سے اندازہ لگانے پر اداکارہ کا کہنا تھا کہ ہاں، کہا جا سکتا ہے کہ وہ 10 سے 15 دنوں میں 15 لاکھ تک کما لیتی ہیں۔

انٹرویو کے دوران مہک نور کا بتانا تھا کہ وہ بہت کم فلمیں دیکھتی ہیں مگر بھارتی رقاصہ نورا فاتحی، مادھوری ڈکشٹ اور سری دیوی کا ڈانس اُنہیں بہت پسند ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں