بالی ووڈ کی کامیاب اسٹار نورا فتیحی نے کہا ہے کہ بنا کسی سپورٹ کے اس انڈسٹری میں اپنا نام بنانے پر خود پر فخر محسوس کرتی ہوں۔

معروف ڈانسر نورا فتیحی نے بالی ووڈ میں اپنے کیریئر کے حوالے سے کھل کر بات کی ہے  اور بتایا ہے کہ وہ کس طرح اس انڈسٹری میں اپنا نام اور مقام بنانے میں کامیاب ہوئیں ہیں۔

ایک خصوصی انٹرویو میں بات چیت کے دوران، نورا فتحی نے اپنے کیریئر کی شروعات کے وقت کو یاد کیا اور کہا کہ وہ کس گلی سے آئی ہیں اس کے بارے میں کوئی نہیں جانتا۔

انہوں نے کہا “سب جانتے ہیں کہ میں یہاں کی نہیں ہوں، میں دنیا کے دوسری طرف سے آئی ہوں، میں یہاں کسی کو نہیں جانتی تھی، میرا یہاں کوئی تعلق، دوست یا خاندان نہیں ہے۔‘‘

انہوں نے مزید کہا کہ میں نے ایک گلی سے اپنی شہرت تک کے سفر کو جیا ہے اور اپنا نام اور مقام خود بنایا ہے۔

اداکارہ نے مزید ان مواقعوں کا ذکر کیا جو انہوں نے انڈسٹری میں حاصل کئے۔ “انڈسٹری میں ہر ممکن کام کرنے سے لے کر، وہ تمام کام جو میرے پاس آیا، میں نے یہ سب کچھ کیا ہے، میں نے یہ سب کچھ صرف اس لیے کیا ہے کہ میں وہاں پہنچ سکوں جہاں میں پہنچنا چاہتی ہوں۔

انہوں نے بتایا کہ وہ دنیا کے سب سے بڑے اسٹیج پر پرفارم کرنا چاہتی ہیں اور ساتھ ہی اس لوگوں کا شکریہ ادا کیا جنہوں نے ان پر اعتماد کیا اور ان کے کام کو پسند کیا۔

نورا فتحی ایک مشہور ڈانسر ہیں جنہوں نے سلمان خان کی میزبانی والے ریئلٹی شو ‘بگ باس 9’ میں اپنے کام سے شہرت حاصل کی، اس کے بعد سے نورا نے پیچھے مڑ کر نہیں دیکھا اور اپنے کیریئر میں کامیابی حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں