بالی وڈ کی خوبرو اداکارہ سشمیتا سین نے  دو بیٹیوں رینی اور علیسا کو گود لے کر ان کی پرورش کی ہے، اداکارہ نے انکشاف کیا کہ ان کی بیٹیاں باپ نہیں چاہتیں۔

ایک  حالیہ انٹرویو میں سشمیتا سین سے پوچھا گیا کہ کیا ان کی بیٹیاں علیسا اور رینی سین اپنی زندگی میں باپ کی کمی محسوس کر تی ہیں؟

اداکارہ نے کہا، “وہ باپ کی شخصیت کی کمی محسوس نہیں کرتیں کیونکہ ان کا کبھی باپ نہیں تھا۔ آپ کو صرف وہی یاد آتا ہے جو آپ کے پاس ہے۔

انہوں نے مزید کہاکہ اب، جب میں ان کو کہتی ہوں کہ  مجھے شادی کرنی چاہیے، تو ان کا جواب ہو تا ہے ‘کیا؟ کس لیے؟ ہمیں باپ نہیں چاہیے‘‘لیکن میں ایک شوہر چاہتی ہوں،جس کا آپ سے کوئی تعلق نہیں ہوگا، وہ باپ کی کمی محسوس نہیں کرتی ، ان کے پاس میرے والد اور ان کے دادا ہیں، جب بھی انہیں باپ کی شخصیت اور ایک عظیم مثال کی ضرورت ہوتی ہے تو اس کے لئے ان کے پاس وہ آدمی میرے والد ہیں۔

واضح رہے کہ سشمیتا نے رینی کو اس وقت گود لیا جب وہ صرف 24 سال کی تھیں اور انہوں نے  2010 میں اپنی دوسری بیٹی علیسا کو گود لیا ، سشمیتا نے کہا کہ ماں بننا ان کا دانشمندانہ فیصلہ تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں