نادر علی ایک سوشل میڈیا شخصیت ہیں جنہوں نے اپنے کیرئیر کا آغازیوٹیوب پرمزاحیہ ویڈیوز بنا کر کیا اور ان کی پرانک ویڈیوزکو سوشل میڈیا پر کافی پسند بھی کیا گیا اوراس طرح وہ سوشل میڈیا پر ایک مقبول شخصیت بننے میں کامیاب رہے۔

نادر علی وقت کے ساتھ ساتھ  آگے بڑھے اور انہوں نے تمام ہی شعبہ ہائے زندگی سے تعلق رکھنے والی معزز شخصیات کو اپنے پروگرام میں مدعو کیا،اور اب وہ ملک کے سب سے کامیاب پوڈ کاسٹ میزبانوں میں سے ایک میں شمار کیے جاتے ہیں۔

نادرعلی  اداکاروں، اداکاراؤں، کھلاڑیوں کے ساتھ ساتھ سیاست دانوں کو بھی اپنے پوڈ کاسٹ میں بلاتے رہے ہیں ان کے زیادہ تر پوڈ کاسٹ مہمانوں سے متنازعہ سوالات کی وجہ سے سوشل میڈیا پر تنازعہ کی وجہ بنتے ہیں اور ایک نہ ختم ہونے والی بحث شروع کر دیتے ہیں۔

حال ہی میں ان کا ایک تنازعہ اس وقت شروع  ہوا جب انہوں نے معمر رانا کو پریانکا چوپڑا کے بارے میں کچھ تبصرے کرنے پر مجبور کیا۔ وہ اس سے قبل سنیتا مارشل سے ان کے عقیدے کے بارے میں نامناسب سوالات بھی کر چکے ہیں۔ اور سیاستدان نبیل گبول کے ساتھ ان کا انٹرویو تمام غلط وجوہات کی بنا پر وائرل ہو گیا۔

یہی وجہ ہے کہ سوشل میڈیا صارفین نے نادر علی پر تنقید کرنا شروع کر دی ہے اور اب اداکار و ہدایت کار شمعون عباسی بھی اس بحث میں شامل ہو گئے ہیں۔ انہوں نے اپنے فیس بک پر جا کر نادر علی کے پیدا کردہ تنازعات پر اپنی رائے کا اظہار کرنے کے ساتھ ان کے سامنے ایک کھلا چیلنج رکھ دیا۔

شمعون نے کہا کہ ان کے پاس اس شو میں شرکت نہ کرنے کی معقول وجہ ہے لیکن انہوں نے نادر علی کو چیلنج کیا کہ وہ انہیں کال کریں اور انہوں نے یہ بھی کہا کہ وہ شو میں شرکت کے لیے پیسے بھی نہیں لیں گے لیکن وہ نادر سے بھی کئی سوالات پوچھنا چاہیں گے۔ اور وہ  پوڈ کاسٹ کے نام پر آپ کے سامنے گوسپس کے سوا کچھ پیش نہیں کرتے۔ ان کے پاس صرف یہی ہنر ہے کہ وہ اپنے پروگرام میں معزز شخصیات کو بلا کر بے عزت کر کے پیسے کماتے ہیں۔  یہ ہے شمعون عباسی کا نادر علی کو چیلنج

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں