معروف پاکستانی اداکارہ میرا نے کہا ہے کہ میں چاہتی ہوں کہ لوگ مجھ سے انگریزی میں بات کریں۔

حال ہی میں اپنے دیے گئے ایک انٹرویو میں اداکارہ میرا کا کہنا تھا کہ جب میں خبروں میں رہتی تھی تو لوگ اعتراض کرتے تھے، اور جب خبروں میں نظر نہیں آتی تب بھی لوگ پوچھتے ہیں، خبروں میں رہنے کا ہنر مجھ سے سیکھیے۔

انہوں نے کہا کہ اگر کسی کو کامیابی حاصل کرنی ہے اور اچھی زندگی گزارنی ہے تو یہ بھول جائیں کہ لوگ کیا کہیں گے، اگر آپ مجھے پسند کرتے ہیں تو آپ کو میری عمر، میری ذاتی زندگی سے کیا کرنا ہے؟

ان کا کہنا تھا کہ تبصرے کرنا بہت آسان ہے، ایک کمرے میں بیٹھ کر باتیں کرنے کے لیے لوگوں کے پاس بہت وقت ہے۔

اداکارہ میرا کے مطابق اچھی انگریزی نہ بولنے پر سوشل میڈیا ٹرولنگ پر مجھے کوئی فرق نہیں پڑتا، مجھے دکھ ان لوگوں پر ہوتا ہے جو ایسے تبصرے کررہے ہیں، ابھی وہ ناسمجھ ہیں، انہیں ہدایت کی ضرورت ہے۔

انہوں نے کہا کہ میں چاہتی ہوں کہ لوگ مجھ سے انگریزی میں بات کریں، میں خوش ہوں کہ میں نے اردو اور انگزیزی کو بہتر کیا ہے، اور آج میں بہت ساری زبانیں اچھی طرح بول سکتی ہیں۔

ان کا کہنا تھا کہ پاکستان کے حالات بہتر کرنا بہت آسان ہے، پاکستان چھوڑنا اس کا حل نہیں ہے، مجھے بھارت اور کینیڈین سے شہریت کی آفر ہوئی، میرے پاس امریکی شہریت ہے، اگر پاکستان چھوڑنا ہوتا تو میں بہت پہلے ہی چھوڑ چکی ہوتی۔

میرا نے انکشاف کیا کہ شاہ رخ خان کی 2012 میں ریلیز ہونے والی فلم ’جب تک ہے جان‘ میں کترینہ کیف کا مرکزی کردار پہلے انہیں آفر ہوا تھا لیکن لندن کا ویزا نہ ملنے پر وہ فلم نہ کرسکیں۔

بھارت کے نامور رئیلٹی شو بگ باس میں کام کرنے کی آفر ملنے سے متعلق میرا نے بتایا کہ بگ باس میں کام کرنے کے لیے ایک سال تک آفر ملتی رہی، یہ کروڑوں روپے کی آفر تھی، اگر میری جگہ کوئی بھی ہوتا تو وہ ضرور کرتا، لیکن جب یہ آفر ملی تو اس وقت مجھے کچھ سمجھ نہیں آئی، میں تھوڑا ڈر کر گئی تھی اس لیے کام کرنے سے منع کردیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں