پاکستان شوبز انڈسٹری کی مشہور و معروف اداکارہ صرحا اصغر کو جنسی ہراسانی کا سامنا کرنا پڑگیا۔

حال ہی میں اداکارہ صرحا اصغر نے عاصم نامی شخص پر دعویٰ دائر کیا ہے کہ اس نے اداکارہ کے ساتھ زبردستی کرنے کی کوشش کی ہے۔

 پولیس ذرائع کے مطابق یہ واقعہ کچھ روز قبل پیش آیا جب صرحا اصغر کسی کام سے مارکیٹ گئی تھیں۔

اس افسوسناک واقعہ کی ایف آئی آر اداکارہ کے شوہر عمر مرتضیٰ کی مدعیت میں شاہ فیصل تھانے میں درج کرادی گئی ہے۔

پولیس کو دیے گئے بیان میں اداکارہ کا کہنا تھا کہ بازار سے واپس آتے ہوئے ایک آوارہ شخص ان کے پیچھے لگ گیا اور آوازیں کسنے لگا، عاصم نامی شخص نے ان کا گھر تک پیچھا کیا اور دروازے تک آ گیا۔

اداکارہ نے پولیس کو بتایا کہ ملزم نے ان  کے ساتھ دست درازی کی کوشش کی جس سے ان کے کپڑے بھی پھٹ گئے، تاہم انہوں نے گھر کی گھنٹی بجا کر شوہر کو بلایا۔

 صرحا اصغر کے مطابق ان کے شوہر عمر مرتضی اور ملزم عاصم کے درمیان ہاتھا پائی ہوئی جس کے بعد اداکارہ اور ان کے شوہر اہلِ محلہ کی مدد سے ملزم کو پکڑ کر تھانے لے آئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں