پاکستان کے معروف اداکار جاوید شیخ کا کہنا ہے کہ پہلی شادی ختم ہونے کا افسوس آج بھی ہے۔

  حال ہی میں پاکستان کے معروف اداکار جاوید شیخ نے نجی ٹی وی چینل کے شو میں شرکت کی جہاں انہوں نے اپنی شادی کی ناکامی، نجی زندگی، فلمی کیرئیر سمیت دیگر موضوعات پر گفتگو کی۔

   شو کے دوران میزبان کے طلاق سے متعلق ایک سوال پر جاوید شیخ نے کہا کہ بدقسمتی سے میں نہیں چاہتا تھا کہ میری اپنی پہلی بیوی سے علیحدگی ہو، جس کی وجہ سے میرے بچے شہزاد اور مومل تکلیف سے گزرے، لیکن الحمدللہ بروکن فیمیلی سے تعلق رکھنے کے باوجود بچوں نے خود کو مضبوط رکھا، اس میں ان کی والدہ کا بہت اہم کردار ہے۔

انہوں نے کہا کہ ایسا نہیں تھا کہ ہمارا خاندان بالکل ہی ٹوٹ گیا تھا، بلکہ علیحدگی کے بعد میرے بچے ماں کے پاس ہونے کے باوجود بھی سلیم کے بچے، بہروز کے بچے اورمیرے دیگر بہن بھائیوں کے بچے سب لاہور میں میرے گھر پر اکٹھے ہوتے تھے، جس کا کریڈیٹ صرف اور صرف میری سابقہ اہلیہ کو جاتا ہے۔ وہ ہمیشہ میرے بچوں کو میرے اور میرے گھر والوں کے پاس بھیجتی تھی لیکن مجھے افسوس ہے کہ کاش ایسا نہ ہوتا۔

اداکار نے کہا کہ ان کے بچے طلاق کے بعد کچھ عرصہ ان سے دور رہے اور یہ سب اس وقت کی بات ہے جب ان کی سلمیٰ آغا سے شادی ہوئی تھی، سلمیٰ آغا کے ساتھ 3 یا 4 برس شادی چل سکی اس دوران بچے ان سے دور رہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں