پاکستان کی معروف اداکارہ یشما گِل نے اپنی شادی اور رشتے سے متعلق دلچسپ انکشاف کیا ہے۔

حال ہی میں پاکستان کی معروف اداکارہ یشما گِل نے ایک نجی ٹی وی چینل کے شو میں شرکت کی جہاں انہوں نے اپنی شادی اور رشتے سے متعلق دلچسپ انکشافات کیے۔

یشما گل نے کہا کہ ایک بار انہوں نے سیٹ پر بیٹھے ہوئے موبائل فون پر آن لائن میرج بیورو دیکھنا شروع کر دیا تھا، اُنہوں نے ایسا مذاق میں کیا تھا کہ کیا پتہ کوئی اچھا رشتہ ہی مل جائے۔

انہوں نے کہا کہ میرج بیورو والوں نے پہلے میری تصدیق کرنے کے لیے مجھے ویڈیو کال کی کہ میں واقعی یشما گل ہوں یا نہیں، میں نے میرج بیورو والوں سے بات بھی کی، میں نے سوچا چلو ہو سکتا ہے کہ کوئی اچھا رشتہ مل جائے، کوشش کرنے میں کوئی برائی نہیں۔

اداکارہ نے کہا کہ میرج بیورو والوں نے میرا رشتہ کروانے کے لیے آٹھ لاکھ روپےمانگ لیے، 4 لاکھ روپے رجسٹریشن فیس اور  4 لاکھ روپے رشتہ ہونے کے بعد یعنی میاں ڈھونڈنے کے کُل 8 لاکھ روپے۔

یشما گل نے کہا کہ ہم اداکار صبح 10 سے رات 10 بجے تک کام کر رہے ہوتے تو میاں ڈھونڈنے کا وقت ہی نہیں ہے، آج کل شوہر ڈھونڈنا بہت مہنگا ہوگیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں