شلپا شیٹی، اکشے کمار اور سنیل شیٹی کی بلاک بسٹر فلم ’دھڑکن‘ کا سیکوئل آنے والا ہے اور ہدایت کار دھرمیش درشن نے تصدیق بھی کردی ہے۔

یہ فلم اصل میں 2000 میں ریلیز ہوئی تھی اور اس میں شلپا شیٹی، سنیل شیٹی اور اکشے کمار نے کام کیا تھا اور اب دھڑکن 2 کی تصدیق فلم کے ڈائریکٹر دھرمیش درشن نے ایک نئے انٹرویو میں کی۔

فلمساز نے کہا کہ 2000 میں ریلیز ہونے والی کلاسک فلم کے پروڈیوسر رتن جین نے دھڑکن 2 کی پیشکش کی ہے۔

دھرمیش درشن نے کہا، “اس وقت، میں صرف اتنا کہہ سکتا ہوں کہ ہاں، مجھے مسٹر رتن جین، جو دھڑکن کے پروڈیوسر بھی ہیں، نے دھڑکن 2 کی پیشکش کی ہے۔ وہ مجھے ایک دہائی سے فلم کی پیشکش کر رہے ہیں اور میں مزاحمت کر رہا ہوں کیونکہ دھڑکن ایک کلاسک ہے، یہ ایکشن تفریحی یا مزاحیہ نہیں ہے۔

انہوں نے مزید کہا کہ یہ ایک ایسی فلم ہے جس میں بہت سی احساسات ہیں لیکن اب گدر 2 کی شاندار کامیابی کے بعد پچھلے 10-15 دنوں میں مجھے ایک بار پھر فلم کی پیشکش کی گئی ہے۔

انہوں نے بتایا کہ میں نے پروڈیوسر کو واضح کر دیا کہ میں فلم صرف اسی صورت میں بناؤں گا جب ہم کسی بھی محاذ پر سمجھوتہ نہیں کریں گے۔ مجھے نہیں معلوم کہ یہ کتنی بڑی ہٹ ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں