جویریہ سعود کا نام کسی تعرف کا محتاج نہیں، وہ پاکستانی ٹیلی ویژن کی ایک مقبول ترین اداکارہ اور میزبان ہونے کے ساتھ کامیاب مصنف اور پروڈیوسر بھی ہیں۔ وہ ڈراموں میں اپنے مکالموں اور فی البدی جملوں کے حوالے سے بھی کافی شہرت رکھتی ہیں اور ساتھ ہی ان کی لاجواب اداکاری ہر کردار کو بے مثال بنا دیتی ہیں۔

جویریہ کئی سالوں سے شو بز انڈسٹری سے وابستہ ہیں۔ جویریہ سعود نے فلم اور ٹیلی ویژن کے معروف اداکار سعود قاسمی سے شادی کی ہے اور ان کے دو بچے جنت اور ابراہیم ہیں۔

 جویریہ سعود کو  حال ہی میں  نشر ہونے والے ڈراموں میں ان کی شانداراداکاری کو مداحوں کی جانب سے بے حد سراہا گیا ہے۔ نند، پرستان اور بے بی باجی ان کے مشہور ڈرامے ہیں جو انہوں نے حال ہی میں کیے ہیں۔

جوریہ سعود کو شوہر سعود قاسمی کے ہمراہ حال ہی میں ایک نجی ٹی وی کے شو میں مہمان کی حیثیت سے مدعو کیا گیا جہاں انہوں نے اپنی ذاتی اور شوبز کے کئی رازوں پرسے پردہ اٹھایا۔

شو کے ایک سیگمنٹ میں میزبان نے جویریہ سے شوبزانڈسٹری میں کام کرنے کے تین فائدے اور تین نقصانات بتانے کو کہا تو اس کے جواب میں جویریہ کا کہنا تھا کہ شوبز کے تین فائدوں میں ایک تو یہ ہے کہ اللہ پاک آپ کو عزت دیتے ہیں،  دوسرا لوگ آپ سے پیار کرتے ہیں، محبت کرتے ہیں، اور تیسرا یہ کہ آپ کم وقت میں اتنا پیسہ کمالیتے ہیں جتنا لوگ پورا مہینہ محنت کر کے بھی نہیں کما پاتے، جبکہ اس کے تین نقصانات میں سے ایک یہ ہے کہ آپ کی اپنی کوئی پرسنل لائف نہیں رہتی، دوسرا لوگ آپ کے بارے میں غلط باتیں کرتے ہیں جیسے آپ اداکار ہیں تو کوئی بات نہیں لیکن جب آپ کی فیملی کے بارے میں غلط بات لکھتے ہیں الٹی سیدھے کمنٹس کرتے ہیں یاکوئی جھوٹی خبریں پھیلاتے ہیں تو یہ بہت بری چیز اور تیسری بات یہ ہے کہ لوگ یہ سمجھتے ہیں ہم اللہ سے بہت دور ہیں اور ہم اس قابل ہی نہیں ہیں کہ ہم اللہ کا نام بھی لے سکیں اپنی زبان سے۔ یہ لوگوں کی ایک سوچ ہے اگر کوئی ایسی بات کہتے بھی ہیں تو سننے کو ملتا ہے کہ یہ کون ہوتی ہیں ہمیں بتانے والی ان کی اپنی حرکتیں تو دیکھو ٹی وی میں آتی ہیں تو یہ جواب ملتا ہے تو یہ چیز مجھے بلکل پسند نہیں اور یہ نقصان ہے آپ کے لیے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں