تامل اداکار پربھاس کی فلم ’سالار‘ کی ڈیجیٹل پلیٹ فارم پر اسٹریمنگ کے حقوق ریکارڈ قیمت پر فروخت ہوچکے ہیں۔

بھارتی میڈیا کی رپورٹ کے مطابق، ریلیز سے قبل ہی پربھاس کی سالار کے ڈیجیٹل پلیٹ فارم پر اسٹریمنگ، موسیقی اور سیٹلائٹ حقوق 350  کروڑ روپے میں فروخت ہوگئے۔

2023 کی سب سے زیادہ منتظر فلموں میں سے ایک، سالار بھی ہے جسے  28 ستمبر کو سینما گھروں کی زینت بننا تھا لیکن تقریباً 2 ہفتے پہلے، قیاس آرائیاں شروع ہوگئیں کہ ایکشن انٹرٹینر اسے 28 ستمبر کو نہیں ریلیز کر رہی۔

 ’سالار‘ کی ریلیز کے حوالے سے نئی تاریخ سامنے آئی ہے، قریبی ذرائع نے انکشاف کیا کہ اب فلم کی ریلیز کو نومبر 2023 تک آگے بڑھا دیا گیا ہے۔

سالار ٹیزر دیکھیں:

فلم میں پربھاس ’کے جی ایف چیپٹر ون اور ٹو بنانے والے مشہور ہدایت کار پرشانت نیل کے ساتھ کام کررہے ہیں جس کی وجہ سے فینز اسے تھیٹرز میں دیکھنے کے لیے بہت پرجوش ہیں۔

گینکسٹر کی کہانی پر مبنی ایکشن تھرلر سالار کے ٹریلیر میں کے جی ایف فرنچائز کے کولار گولڈ فیلڈز کا بھی ذکر کیا گیا ہے، جس سے یہ اندازہ ہوتا کہ فلم پرشانت نیل کی ‘کے جی ایف یونیورس‘ کے آس پاس ہی گھومے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں