انوراگ کشیپ کا شمار بالی ووڈ کے سب سے بڑے فلم سازوں میں ہوتا ہے اور ان کے حوالے سے یہ ایک حقیقت ہے کہ انوراگ کشیپ اپنی فلموں میں زیادہ تر نئے آنے والوں اور نسبتاً نئے چہروں کے ساتھ کام کرتے ہیں۔

اپنے پورے کیرئیر میں انہوں نے نئے آنے والوں کو موقع دیا لیکن ایک چیز جو ان کے کیریئر کی رفتار میں مستقل رہی ہے کہ بڑے ستاروں کے ساتھ کام کرنے سے ان کو ہچکچاہٹ ہوتی ہے۔

اس حوالے سے فلم ساز نے اپنے حالیہ انٹرویو میں اہم انکشافات کئے ہیں اور بتایا ہے کہ انہیں بڑے ستاروں کے ساتھ کام کرنا کیوں پسند نہیں ہے۔

انہوں نے بتایا کہ، “اس کے دو پہلو ہیں۔ ہر کوئی میرے ساتھ کام کرنا چاہتا ہے لیکن کوئی بھی کچھ نیا نہیں کرنا چاہتا جو میں ان کے ساتھ کرنا چاہتا ہوں۔”

انہوں نے وضاحت کی کہ وہ خود کو دہرانا نہیں چاہتے اور چاہتے ہیں کہ اداکار بغیر شرائط کے ان کے ساتھ کام کریں ۔

بعدازاں دوران گفتگو میں انوراگ کشیپ نے امیتابھ بچن، شاہ رخ خان، کمل ہاسن اور وجے سیتھوپتھ کے ساتھ کام کرنے کی خواہش ظاہر کی۔

2015 میں، کشیپ نے رنبیر کپور، انوشکا شرما اور کرن جوہر کے ساتھ بڑے بجٹ کے کرائم ڈرامہ بامبے ویلویٹ کی ہدایت کاری کی۔ ریلیز کے بعد، فلم کو زیادہ تر منفی تنقیدی ردعمل کا سامنا کرنا پڑا اور وہ باکس آفس پر دھوم مچانے والی ثابت ہوئی۔ تب سے معروف فلمساز نے بڑے اداکاروں کے ساتھ کام کرنے یا بڑے بجٹ کی فلمیں بنانے سے گریز کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں