معروف سوشل میڈیا النفوئنسر کین ڈول کا شادی سے متعلق اہم بیان سامنے آگیا ہے۔

حال ہی میں معروف سوشل میڈیا النفوئنسر کین ڈول سے ایک ٹی وی شو کے دوران سوال کیا گیا کہ آپ شادی کب کر رہے ہیں، پاکستانیوں کو آپ کی شادی کا انتظار ہے؟

سوال کے جواب میں کین ڈول کا کہنا تھا کہ ابھی تو میرا شادی کرنے کا کوئی ارادہ نہیں، کیونکہ میرا خواب تھا کہ فیشن و ماڈلنگ انڈسٹری میں اپنا ایک نمایاں مقام بناؤں اور اب جا کر میں شہرت کی بلندیوں پر پہنچنے لگا ہوں تو کیرئیر تباہ نہیں کروں گا۔

انہوں نے کہا کہ 5 سال تک تو رشتہ ازدواج میں منسلک ہونے کا ارادہ نہیں۔ ہاں ایک چیز کا ارادہ ضرور ہے کہ اپنا بیوٹی پراڈکٹ لاؤنچ کر دوں۔

کین ڈول نے کہا کہ اس کیلئے میں دبئی میں ہونے والے بیوٹی کنٹسٹ میں حصہ لوں گا یہی نہیں اس حوالے سے یہ ارادہ رکھتا ہوں کہ کوئی ایسی چیز بناؤں جو واقعی ایک مرتبہ لگائیں تو اثر 100 فیصد نظر آئے لیکن یہاں یہ بات بھی واضح کرتا چلوں کہ میں کوئی عام لوگوں کی طرح سرم بنا کر جان نہیں چھڑواؤں گا۔

انہوں نے شو کے دوران بطور فیشن ماڈل پاکستان کے لڑکے اور لڑکیوں کو مشورہ دیا کہ آپ لوگوں کو اگر چہرے پر کیل مہاسے نکل آتے ہیں تو اس کیلئے ضروری ہے کہ آپ 2 ماہ کا اکواٹین کا کورس کریں ناکہ ان دانوں کو پھاڑ دیں اور تو اور یہ علاج کروانے کے بعد چہرے پر کبھی کیل مہاسے نہیں نکلیں گے۔

واضح رہے کہ کین ڈول نامی اس فیشن ماڈل کا اصل نام عدنان ظفر ہے جوکہ حقیقت میں پاکستانی ہیں لیکن دبئی میں مقیم ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں