ماورا حسین ایک بہت ہی ذہین اداکارہ ہونے کے ساتھ ایک سلجھی ہوئی شخصیت کی مالک ہیں۔ انہوں نے اپنے کیریئر کا آغاز بطور وی جے کیا اور بعد میں کئی سپر ہٹ ڈرامہ سریل میں اپنی عمدہ اداکاری سے سب کو اپنا گرویدہ بنالیا۔

واضح رہے کہ ماورہ کا شمار ان اداکاروں میں ہوتا ہے جنہوں نے پاکستانی فلموں کے ساتھ بالی ووڈ فلم میں بھی اداکاری کے جوہر دکھائیں ہیں۔

 ماورا حسین کی بڑی بہن عروہ حسین ایک بہت ہی کامیاب اداکارہ، پروڈیوسر اور بزنس وومن ہیں جبکہ ان کے بہنوئی فرحان سعید موسیقی اور اداکاری میں بے پناہ شہرت رکھتے ہیں۔

ماورا نے انسٹاگرام پر اپنی نوزائیدہ بھانجی کے ساتھ کچھ بہت ہی پیاری تصاویر شیئر کیں ہیں۔ تصاویر میں وہ پہلی بار اپنی بھانجی مہر بانو کو ہاتھ میں لے کر بہت خوش نظر آرہی ہیں۔

ماورا کے خالہ بننے کی خوشخبری دینے اور بھانجی کو ہاتھ میں لے کر تصاویر شیئر کرنے کے بعد  سب نے یہی  سمجھا کہ عروہ اور فرحان نے اپنے پہلے بچے کا استقبال کیا ہے۔ صارفین سوشل میڈیا پر اس جوڑے کی پروفائلز کو دیکھتے رہے اور جاننے کی کوشش کرتے رہے کیا واقعی یہ سچ ہےکیا اور کیا اُنہوں نے اپنی بیٹی کی تصویر پوسٹ کی ہے یا نہیں۔ کیونکہ الجھن اس لیے تھی کہ ماورا نے لفظ خالہ استعمال کیا تھا۔

ماورا حسین نے پوسٹ میں لکھا کہ ‘یہ چھوٹی سی پیاری ہماری زندگی میں بہت خوشیاں لے کر آئی ہے، ننھی مہربانو ہم تم سے بہت زیادہ پیار کرتے ہیں’۔

اداکارہ نے اپنی پوسٹ کے ہیش ٹیگ میں خالہ لکھا اور ساتھ ہی اپنی دوست کو بھی ٹیگ کیا جن کی بیٹی کی ماورا خالہ بنی ہیں۔

دوسری جانب اداکارہ کی یہ تصاویر مختلف سوشل میڈیا پلیٹ فارمز پر تیزی سے وائرل ہورہی ہیں جہاں صارفین کی جانب سے یہ کہا گیا کہ یہ شاید عروہ حسین اور فرحان سعید کی بیٹی ہے۔ تاہم، اس ننھی پری کی آمد ماورا کی بہترین دوست یہاں ہوئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں