اربوں روپے کے فراڈ میں ملوث اور جیل میں قید سکیش چندر شیکھر نے بالی وڈ اداکارہ جیکولین  فرنینڈس کو جیل سے ایک بار پھر پیار بھرا خط لکھ دیا۔

بھارتی میڈیا رپورٹس کے مطابق سکیش متعدد دھوکا دہی کے کیسز میں دہلی کی جیل میں قید ہے جہاں اب سکیش نے اپنے وکیل کے ذریعے جیکولین کو پیار بھرا خط بھیجا جس میں انہوں نے  شاہ رخ خان کی فلم جوان کے گانے چلیا کا بھی ذکر کیا۔

 سکیش نے خط میں لکھا کہ اس نے یہ گانا ریلیز ہونے کے بعد اس پر ڈانس بھی کیا ، انہوں نے یہ گانا جیکولین فرنینڈس کے نام کرتے ہوئے اسے تخلیق کرنے پر کنگ خان اور انیرودھ کا شکریہ ادا کیا۔

اسی خط میں، سکیش نے دعویٰ کیا کہ وہ جیکولین کے خواب کو پورا کرنے کے لیے بھارت میں پالتو جانوروں کا ہسپتال بنا رہا ہے۔

سکیش نے لکھاکہ میری ٹیم نے سب کچھ جمع کر لیا ہے، 11 ستمبر کو اس اسپتال کی تعمیر شروع ہونے والی ہے، جو آپ کی اگلی سالگرہ کے ساتھ  11  اگست کو مکمل ہوجائے گی۔

سکیش نے اپنے خط میں مزید کہا کہ”ہمارے پاس ملک کے بہترین جانوروں کے ڈاکٹر ہوں گے، اور تمام علاج اور سرجری مفت فراہم کی جائیں گی، جیسا کہ آپ کی خواہش ہے، میری ملکہ مکھی۔ مجھے واقعی امید ہے کہ یہ آپ کے چہرے پر ایک خوبصورت مسکراہٹ لائے گا۔ اس مرحلے کے دوران آپ کی مسکراہٹ اور محبت ہی مجھے طاقت بخشتی ہے۔ آپ امریکا میں ہندوستانی پریڈ میں شاندار لگ رہی تھی، آپ کو دیکھ کر میں دوبارہ آپ کے پیار میں کھوگیا”۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں