ارشد چائے والا ایک مشہور پاکستانی چائے فروش اور ماڈل ہیں جو 2016 میں وائرل ہونے والی صرف ایک تصویر سے شہرت حاصل کرنے میں کامیاب ہوئے۔

جویریہ علی وہ واحد فوٹوگرافر تھیں جنہیں مقامی چائے والا کی تصویر انٹرنیٹ پر پوسٹ کرنے کا خیال آیا۔ جویریہ علی کا کہنا تھا کہ وہ ارشد چائے والا کی غیرمعمولی خوبصورتی کو دیکھ دنگ ہوگئیں تھی اور اسی لیے انہوں نے ان کی تصویر سوشل میڈیا پر پوسٹ کی۔

ارشد چائے والا  کی تصویر وائرل ہونے کے بعد اس نے دنیا بھر میں مداحوں کو اپنی گرفت میں لے لیا۔ لوگ ان کی خوب صورتی اور  نیلی آنکھیں دیکھ کر حیران رہ گئے۔ سوشل میڈیا بلاشبہ لوگوں کو آسانی سے شہرت دلانے کی طاقت رکھتا ہے لیکن بہت کم لوگ ہیں جو اپنی شہرت کو مثبت انداز میں استعمال کر رہے ہیں اور ارشد چائے والا بھی ان میں سے ایک ہے۔

جیسا کہ آپ سب جانتے ہیں کہ ارشد خان  چائے کا کیفے چلایاکرتے تھے اسی لیے انہوں نے اب اسی کام کو آگے بڑھاتے ہوئے دنیا کے مختلف حصوں میں اپنے کیفے کھولے ہوئے ہیں۔

ارشد خان نے حال ہی میں ایک انٹرویو دیا جس میں انہوں نے انکشاف کیا کہ انہوں نے متعدد کیفے کیوں کھولے اور اپنے کاروبار  کوکیوں بڑھایا۔ انہوں نے کہا کہ وہ بزنس اورینٹڈ شخص نہیں ہیں۔ وہ صرف ایک کیفے کے ساتھ بھی زندگی گزرا سکتے تھے لیکن کاروبار میں توسیع اور کئی فرنچائزز کھولنے کے پیچھے لوگوں کے لیے مزید ملازمتیں پیدا کرنا ہے۔

اس کے بارے میں بات کرتے ہوئے، انہوں نے کہا، “میں نے چائے والا کیفے شروع کیا، حقیقت میں، ایک کیفے میرے لئے کافی تھا لیکن میں نے پورے برانڈ کو اپنے نام سے شروع کیا کیونکہ میں چاہتا تھا کہ لوگ میرے کاروبار کے ذریعے روٹی روزی کمائیں، میں چاہتا تھا کہ مزید ملازمتیں پیدا ہوں، اب ہمارے پاس بہت سی فرنچائزز ہیں، اور ہر فرنچائز میں 25 سے 30 لوگ کام کرتے ہیں، پاکستان میں لوگ بے روزگار ہیں، یہاں تک کہ پڑھے لکھے لوگ بھی مجھے نوکریوں کے لیے ای میل کر رہے ہیں۔

چائے والا کیفے کی مختلف فرنچائزز کھولنے کے حوالے سے بات کرتے ہوئے ارشد خان نے کہا کہ بہت سے ہندوستانی اور پاکستانی لندن سے مجھے فون کرکے کہتے تھے کہ وہ لندن میں میرے کیفے میں بیٹھے ہیں، اس وقت میرا لندن میں کوئی کیفے نہیں تھا، اس لیے میں نے فیصلہ کیا میں اب لندن میں بھی اپنی اصل فرنچائز کھولوں گا، اور اب میرے لندن اور فن لینڈ میں کیفے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں