بالی وڈ اداکار رنبیر کپور کی ایکشن اور سسپنس  سے بھرپور فلم اینیمل کا ٹریلر جاری کر دیا گیا ہے۔

  یہ فلم 1 دسمبر 2023 کو ریلیز ہوگی جس میں رنبیر کپور کے علاوہ بوبی دیول، انیل کپور اور رشمیکا مندنا مرکزی کرداروں میں جلوہ گر ہوں گے۔

ٹریلر دیکھیں:

اس سے قبل اداکارہ عالیہ بھٹ نے فلم اینیمل کا پوسٹر انسٹا گرام پر شیئر کرتے ہوئے لکھا، “اوہ ہائے!” اور ساتھ ہی ایک بوم ایموجی  بناکر اپنی پسندیدگی کا اظہار کیا۔

واضح رہےکہ رنبیر کپور کی اس ایکشن فلم کی تشہیر کیلئے شاہ رخ خان کی بلاک بسٹر فلم جوان کی حکمت عملی اپنانے کا فیصلہ کیا گیا ہے۔

اپنے حالیہ انٹرویو میں، ٹی سیریز کے سربراہ اور فلم کے پروڈیوسر بھوشن کمار نے شاہ رخ خان کی حالیہ بلاک بسٹر فلم جوان کی مثال دیتے ہوئے کہا، “اگر آپ دیکھیں تو ‘جوان’ کی ایڈوانس بکنگ تلنگانہ اور آندھرا پردیش کی جنوبی مارکیٹ میں بہت زیادہ تھی، میرے ہدایت کار اور ہیروئن جنوب سے ہی ہیں۔ اس لیے ہم اسے متعدد زبانوں میں ریلیز کرنے کا منصوبہ بنا رہے ہیں، جو صرف مختلف زبانوں میں ڈبنگ تک محدود نہیں ہے۔ ہم اسے پوری طرح پروموٹ کرنا چاہتے ہیں، جیسا کہ ‘جوان’ نے کیا تھا۔”

اس کے علاوہ بھوشن نے انکشاف کیا کہ اینیمل ایک میوزیکل فلم ہے جس میں آٹھ گانے ہیں۔ “لہٰذا ہمیں گانوں کو مختلف زبانوں میں ڈب کرنا ہے اور رنبیر کپور کے لیے تامل، تیلگو اور ملیالم سمیت دیگر زبانوں میں پریکٹس میں بھی وقت لگے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں