بالی ووڈ کے بگ بی، امیتابھ بچن نے اپنے والدی کی شادی کے متعلق اہم انکشاف کیا ہے اور بتایا ہے کہ انہیں کن مشکلات کا سامنا کرنا پڑا اور کس نے ان کی مدد کی تھی۔

حال ہی میں ایک ذاتی کہانی کا اشتراک کرتے ہوئے، اداکار نے کہا: “میں یہ کہنے میں تھوڑا ہچکچا رہا ہوں لیکن سروجنی نائیڈو میرے والد کی بہت بڑی مداح تھیں۔ میرے والد نے انٹرکاسٹ شادی کی تھی۔ میری ماں تیجی کا تعلق سکھ خاندان سے تھا۔ اُس وقت آلہ آباد میں انٹرکاسٹ شادیوں اور دوسرے مذہب میں شادی کو حقیر سمجھا جاتا تھا۔ میرے والد کو مزاحمت کا سامنا کرنا پڑا جب وہ میری ماں کو الہ آباد لے کر آئے۔

سروجنی نائیڈو، وہ پہلی شخصیت تھیں جنہوں نے انہیں تسلی دی۔ انہوں نے ان کا تعارف پنڈت جواہر لال نہرو سے کرایا جو آلہ آباد کے آنند بھون میں رہتے تھے۔ مجھے اب بھی یاد ہے جس طرح انہوں نے میرے والد سے ان کا تعارف کرایا تھا کہ، ’’شاعر اور اس کی شاعری سے ملو‘‘۔

ہری ونش رائے بچن ’نئی کویتا‘ ادبی تحریک کے شاعر اور مصنف تھے۔ وہ اپنے کام ’مدھوشالا‘ کے لیے مشہور ہیں۔ انہوں نے تیجی سے 1941 میں شادی کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں