سمیع خان ایک انتہائی با صلاحیت پاکستانی ٹیلی ویژن اور فلم اداکار ہیں جو کئی سپرہٹ ڈراموں میں جلوہ گر ہوچکے ہیں۔سمیع خان نہ صرف بطور ہیرو بلکہ کئی ڈراموں میں منفی کردار بھی ادا کیے ہیں۔

سمیع خان نے اپنی پہلی ہی فلم سلاخیں کے ذریعے بہت زیادہ شہرت اور کامیابی حاصل کی وہ ایک محنتی اداکار ہیں۔ ان کے مشہور ڈراموں میں بشر مومن، دھانی، عشق ذہے نصیب، ایسی ہے تنائی، تقدیر اور خودغرض شامل ہیں۔ جبکہ اس وقت وہ ڈرامہ مجھے قبول نہیں میں مدیحہ امام کے ساتھ نظر آرہے ہیں۔

سمیع خان کی مشہور فلموں میں  رانگ نمبر 2، کاف کنگنا اور لفنگے شامل ہیں۔ سمیع خان ایک خوشگوار  شادی شدہ زندگی گزار رہے ہیں  اور ان کے دو پیارے بچے ہیں۔

سمیع خان کو حال ہی میں ایک نجی ٹی وی شو میں بطور مہمان مدعو کیا گیا جہاں انہوں نے اپنی سدا بہار جوانی اور فٹنس کے بارے میں بتایا۔ سمیع خان نے اپنے خوبصورتی کے بارے میں بات کرتے ہوئے کہا کہ ’’میری والدہ ہمیشہ مجھے بتاتی ہیں کہ میرے والد کی فیملی میں یہ خوش قسمتی ہے کہ وہ کافی نوجوان نظر آتے ہیں، وہ دھیرے دھیرے بوڑھے ہوتے ہیں،  اللہ کی طرف سے برکت ہے، وہ فٹ رہتے ہیں۔ اس کے علاوہ، میں نے سنا ہے کہ اداکاروں کی اسکرین کی عمر اہمیت رکھتی ہے۔

سمیع خان نے سب لوگوں جوان اور فٹ رہنے کا مشورہ بھی دے دیا۔ انہوں نے کہا، “جوان نظر آنے کے لیےرات جلد سونا ضرروی ہے۔ ہماری نسل کا بنیادی مسئلہ یہ ہے کہ وہ دیر سے سوتے ہیں، رات کو دیر سے سونا چھوڑ دیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں