پاکستان کے معروف گلوکار عاصم اظہر کا کہنا ہے کہ انڈرریٹڈ ہونا اوور ریٹڈ ہونے سے بہتر ہے۔

حال ہی میں پاکستان کے معروف گلوکار عاصم اظہر نے اپنے ایک انٹرویو کے دوران کہا ہے کہ وقت کے ساتھ اپنی غلطیوں اور بیوقوفیوں سے سیکھا ہے۔

   انہوں نے کہا کہ وہ بچپن میں بہت ہائپر ایکیٹیو اور شرارتی بچے تھے، اکثر والدین کے اوپر کولڈ ڈرنک بھی گرا دیتے لیکن اس کے باوجود فرمانبردار بچے تھے جس نے والدین کی ڈانٹ بھی کھائی ہے۔

عاصم اظہر نے کہا کہ انہیں یہ دیکھ کر بلکل اچھا نہیں لگتا کہ آج کل والدین اپنے بچوں کو وقت دینے کے بجائے ٹیبلیٹ یا فون دے دیتے ہیں۔

 گلوکار نے کہا کہ بچپن میں کھیلنے کا وقت ہوا کرتا ہے جب ہم شام کو 4 سے 5 بجے تک صرف کھیلتے تھے لیکن آج کل کے بچے شاید اس سے محروم ہیں۔

انٹرویو کے دوارن گلوکار سے سوال کیا گیا کہ آپ کو انڈرریٹڈ کیوں کہا جاتا ہے؟

سوال کے جواب میں گلوکار کا کہنا تھا کہ میں سمجھتا ہوں کہ انڈرریٹڈ ہونا اوور ریٹڈ ہونے سے بہتر ہے، زندگی کے اب جس حصے میں ہوں کوئی کچھ بھی کہتا رہے فرق نہیں پڑتا۔

  انہوں نے اپنے نئے ریلیز ہونے والے گانے چند ماہیا پر گفتگو کرتے ہوئے کہا کہ وہ جب اپنے کراچی والے گھر میں شفٹ ہوئے تھے تو اس گانے کو لکھا تھا۔

عاصم اظہر سے سوال کیا گیا کہ کیا یہ گانا ان کی اپنی زندگی کی کہانی ہے ؟ جس کا جواب دیتے ہوئے انہوں نے کہا کہ نہیں ایسا نہیں ہے بلکہ یہ ایک ایسے لڑکے کی کہانی ہے جو اپنی زندگی اپنے مطابق جی رہا ہے اور بھر اچانک محبت میں مبتلا ہوجاتا ہے ۔ انہوں نے کہا کہ جن لوگوں کو پیار سے ڈر لگتا ہے تو ڈرنا بھی ٹھیک ہے۔

گلوکار عاصم اظہر نے کہا کہ وہ اب سے کوشش کریں گے ہر مہینے اپنے چاہنے والوں کے لئے ایک گانا ریلیز کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں