مایا خان پاکستان ٹیلی ویژن کی ایک مشہور میزبان اور اداکارہ ہیں جنہوں نے اپنے کیریئر کا آغاز ٹی وی شوز سے کیا۔ انہوں نے سب سے پہلے پی ٹی وی پر بچوں کے شو کی میزبانی کی اور پھر اسی شعبہ کو اختیار کرتے ہوئے پاکستان بھر میں شہرت اور نام کمایا۔

مایا خان نے کئی بڑے چینلز کے لیے میزبانی کی جن میں اے پلس، سماء، اے آر وائی، 92 اور بول شامل ہیں۔ مایا اس وقت مائی ری میں اپنی بہترین اداکاری کے جوہر دکھارہی ہیں جسے مداحوں کی جانب سے بے حد سراہا جارہا ہے۔ واضح رہے کہ مایا خان کا اپنا اسکن کیئر برانڈ بھی ہے۔

مایاخان ایک زندگی سے بھرپور اور نہایت عاجز شخصیت کی مالک ہیں وہ ایک طرح سے دوسروں کے لیے رول ماڈل کی حیثیت رکھتی ہیں آپ ان کی باتوں اور زندگی کے تجربات سے بہت کچھ سیکھ سکتے ہیں۔

مایا خان کو حال ہی میں ایک یوٹیوب کے نجی شو میں بطور مہمان مدعو کیا گیا جہاں انہوں نے اپنی ذاتی زندگی کے حوالے سے کئی رازوں پر سے پردہ اٹھایا۔ مایا نے چھوٹی عمر میں ہی کام کا آغاز کر دیا تھا اور اس وقت سے لے کر موجودہ اداکاری کے سفر تک تقریباً تمام ہی شوبز کے  شعبہ جات میں طبع آزمائی کی ہے جس میں رائٹنگ، پروڈکشن، ڈائریکشن، اینکرنگ، ایکٹنگ، وی جے اور وائس اوورنگ شامل ہیں۔ ساتھ مایا اپنے تدریسی عمل کے دوران بہترین ڈبیٹر اور بیڈ منٹن کی چیمیئن بھی رہ چکی ہیں تو شو کی میزبان ان کی اتنی ساری کامیابیوں کے بارے میں جاننے کے بعد مایا سے سوال کیا آپ یہ بتائیں وہ کونسا کام ہیں جو آپ نے نہیں کیا اس پر مایا خان نے کہا انہوں نے ابھی تک ماڈلنگ نہیں کی یہ وہ واحد شوبز کا شعبہ ہے جس پر انہوں نے طبع آزمای نہیں کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں