عاصم اظہر کانام پاکستانی پاپ سنگر میں کسی تعرف کا محتاج نہیں وہ  پاکستان کے ایک مشہور گلوکار ہیں اور انہوں نے یہ مقام بڑی محنت سے حاصل کیا ہے وہ ایک خوبصورت آواز کے مالک ہونے کے ساتھ ایک سلجھی ہوئی شخصیت بھی رکھتے ہیں۔

عاصم اظہر نے نہایت کم عمری میں گلوکاری کا آغاز کیا اور اپنے مداحوں کے سامنے اب تک ان گنت سپر ہٹ گانے پیش کر چکے ہیں۔وہ اپنے خوبصورت گانوں اور راگ کے ساتھ ساتھ اپنی پرفارمنس کے انداز کی وجہ سے لاکھوں دلوں کی دھڑکن بنے ہوئے ہیں۔ عاصم نے اپنے کیریئر کا آغاز ایک چھوٹے سنگر کے طور پر کیا تھا اور اب انہیں اس انڈسٹری میں دس سال مکمل ہوچکے ہیں، ابھی ان کی عمر 26 سال ہے۔

عاصم نے حال ہی میں اپنے انٹرویو کے دوارن  کہا کہ انہوں نے اپنے کیریئر کے دوران تنقید کا کیسے سامنا کیا ان کا کہنا تھا کہ جب وہ چھوٹے تھے تو ہر بات کو دل پر لے لیتے تھے لیکن وقت کے ساتھ ساتھ انہوں نے حالات سے نمٹنے کا طریقہ سیکھ لیا ہے اور حالات بہتر ہو گئے ہیں اب وہ تنقید کرنے والی کمنٹس پڑھتے بھی نہیں ہیں۔

عاصم اظہر 2 بار پی ایس ایل کا گانا بھی گا چکے ہیں۔ یہ ایک ایسا گانا ہے جس پر لوگ ہر سال بحث کرتے ہیں اور عاصم کو پہلی بار اس گانے کی وجہ سے بہت زیادہ تنقید کا سامنا کرنا پڑا تھا۔ پی ایس ایل کے گانے پر ہونے والی تنقید کے بارے میں بات کرتے ہوئے عاصم نے کہا کہ میں نے تسلیم کیا ہے کہ لوگ کبھی ایک گانے کو پسند نہیں کریں گے کوئی اسے برا کہے گا تو کوئی اسےاچھا کہےگا۔ عاطف اسلم، علی ظفر، نصیبو لال اور فواد خان سمیت کئی ستاروں نے گانا گایا اور ہر بار تنقید کا سامنا کیا ہے۔ اگر گانا آپ کو اچھا لگ رہا ہے اور میدان میں چل رہا تو ٹھیک ہے باقی تنقید کی پروا نہیں کرنی چاہئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں