معروف پاکستانی شوبز شخصیات نے عالمی شہرت یافتہ عالم دین مولانا طارق جمیل کے بیٹے کی خودکشی پر اظہارِ افسوس کیا ہے۔

اداکارہ صبا قمر نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر مولانا طارق جمیل سے ان کے بیٹے کے انتقال پر تعریت کا اظہار کرتے ہوئے لکھا کہ اللہ مرحوم کی مغفرت فرمائے اور لواحقین کو صبر عطا فرمائے۔

اداکار احمد علی بٹ نے مولانا طارق جمیل کی ان کے بیٹے کے ساتھ تصویر شئیر کرتے ہوئے واقعے پر افسوس کا اظہار کیا۔

اس کے علاوہ میزبان اور اداکارہ شائستہ لودھی نے انسٹاگرام اسٹوری پر لکھا کہ بچے کو کھونا کسی بھی والدین کے لیے مشکل وقت ہوتا ہے، اس نقصان کا درد اور دکھ ناقابل تصور ہے اور اس مشکل وقت میں ہم آپ کے دکھ میں برابر کے شریک ہیں، اللہ مرحوم کو جنت میں اعلیٰ درجہ نصیب فرمائے۔

اداکارہ مشی خان نے لکھا کہ یہ بہت بُری خبر ہے، طارق جمیل صاحب سے میری دلی تعزیت، اللہ تعالیٰ ان کے بیٹے کو جنت الفردوس میں اعلیٰ مقام عطا فرمائے۔

What a devastating news. My deepest condolences to Tariq Jameel Sb. May Allah SWT grant his son highest place in Jannah #tariqjameel

— Mishi khan (@mishilicious) October 29, 2023

واضح رہے کہ گزشتہ روز صوبہ پنجاب کے ضلع خانیوال کے علاقے تلمبہ میں مولانا طارق جمیل کے بیٹے عاصم جمیل گولی لگنے سے جاں بحق ہو گئے تھے۔

مولانا طارق جمیل نے اپنے ایکس اکاؤنٹ پر 29 اکتوبر کی شب بیٹے کے انتقال کی تصدیق کی تھی۔

انا للہ وانا الیہ راجعون

آج تلمبہ میں میرے بیٹے عاصم جمیل کا انتقال ہوگیا ہے. اس حادثاتی موت نے ماحول کو سوگوار بنا دیا۔ آپ سب سے گزارش ہے کہ اس غم کے موقع پر ہمیں اپنی دعاؤں میں یاد رکھیں. اللہ میرے فرزند کو جنت الفردوس میں اعلیٰ مقام عطا فرمائے۔

— Tariq Jamil (@TariqJamilOFCL) October 29, 2023

پوسٹ میں مولانا طارق جمیل کا کہنا تھا کہ آج تلمبہ میں میرے بیٹے عاصم جمیل کا انتقال ہوگیا ہے، اس حادثاتی موت نے ماحول کو سوگوار بنا دیا۔

بعد ازاں مرحوم کے بڑے بھائی مولانا یوسف جمیل نے ویڈیو پیغام میں عاصم جمیل کی خودکشی کی تصدیق کرتے ہوئے کہا تھا کہ میرا بھائی عاصم جمیل بچپن سے شدید ڈپریشن کا مریض تھا۔

Depression is real and mental health is extremely important. #tariqjameel pic.twitter.com/EbVSzRrto4

— SadiaSattar (@SadiaSattarTST) October 30, 2023

انہوں نے کہا تھا کہ عاصم جمیل کی بیماری میں پچھلے 6 ماہ سے شدت آگئی تھی، بیماری کو کنٹرول کرنے کے لیے عاصم کو الیکٹرک شاک لگائے جارہے تھے لیکن الیکٹرک شاک دینے سے بھی کوئی افاقہ نہیں ہوا۔

ان کا کہنا تھا کہ گزشتہ روز وہ اتفاقاً گھر میں اکیلے تھے، تکلیف اور اذیت برداشت نہیں کرسکے اور عاصم نے گیٹ پر موجود سیکیورٹی اہلکار سے بندوق لے کر خود کو گولی مارلی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں