پاکستانی اداکار گزشتہ کئی برسوں سے بھارتی فلموں میں اپنی اداکاری کے جوہر دکھا رہے ہیں بڑی انڈسٹری ہونے کے ناطے بہت سے فنکار وہاں کام کر کے اپنی ایک الگ پہچان بناتے ہیں۔

زیبا بختیار  سے لے کر ماہرہ خان، علی ظفر، صبا قمر اور فواد خان تک، کئی پاکستانی ستاروں نے بالی ووڈ کا رخ کیا ان میں سے کچھ اداکاروں کو  واقعی بہت اچھے پروجیکٹس میں کاسٹ کیا گیا تاہم زیادہ تر کو بہتر کردار نہیں دیئے گئے۔

یہ سلسلہ اس وقت تک جاری تھا تب تک بھارت میں انتہا پسند بی جے پی حکومت نہیں تھی تاہم بی جے پی حکومت کے بعد بالی ووڈ میں پاکستانی اداکاروں کے کام کرنے پر پابندی عائد کر دی گئی جس کے بعد سے اب کوئی بھی پاکستانی فنکار بالی ووڈ میں کام نہیں کرسکتا۔

فیصل قریشی کا شمار ان چند مشہور اداکاروں میں ہوتا ہے جنہوں نے بالی ووڈ میں کام نہیں کیا۔ اپنی بہت زیادہ مقبولیت اور شہرت کے باوجود انہوں نے کبھی اس راستے کا انتخاب نہیں کیا۔

فیصل قریشی کو حال ہی میں ایک نجی شو میں بطور مہمان مدعو کیاگیا جہاں انہوں نے اپنی ذاتی اور پیشہ ورانہ زندگی کے کئی رازوں پر سے پردہ اٹھایا، ساتھ ہی انہوں نےبھارت میں کام نہ کرنے کے حوالے سے اپنے  موقف کا اظہار کیا۔

فیصل قریشی کا کہنا تھا کہ انہوں نے آج تک بھارت میں کام نہیں کیا اور نہ وہ کر سکتے ہیں کیونکہ ان کا رویہ پاکستانیوں کے لیے کبھی اچھا نہیں رہا۔ اور فیصل ہر بات کھلے عام کہنے کی عادی ہیں، جس وجہ سے ان کے بھارتی مداح بھی ان سے ناراض رہتے ہیں۔

اداکار کا کہنا تھا کہ بھارت میں اگر کسی کو بھی اپنی فلم کو کامیاب کرانا ہوتا ہے تو وہ اس میں پاکستان مخالف مواد شامل کردیتے ہیں، وہ پاکستان کو گالی دیتے ہیں۔

انہوں نے سابقہ حکومت کے واقعے کا حوالہ دیتے ہوئے کہا کہ دنیا نے دیکھا کہ بھارتیوں نے ہمارے سابق وزیر خارجہ بلاول زرداری کی بے عزتی کی حالانکہ وہ ایک اچھا قدم اٹھا کر بھارت گئے تھے۔ اس طرح یہ واضح ہے کہ فیصل قریشی وہاں کام نہیں کر سکتے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں