بالی ووڈ کے نامور فلمساز کرن جوہر نے سپراسٹار سلمان خان کے ساتھ فلم کرنے کی تصدیق کردی ہے۔

حال ہی میں ایک انٹرویو کے دوران کرن جوہر سے سلمان خان سے متعلق ان کے ساتھ ایک مکمل فلم کرنے کا پوچھا گیا۔

کرن جوہر نے کہاکہ وہ سلمان خان کے ساتھ ایک فلم کرنے جارہے ہیں،  لیکن وہ توہم پرست ہیں ، اس لئے انہوں نے فیصلہ کیا ہے کہ وہ اس  معاملے پر صحیح وقت پر ہی بات کریں گے۔

 سال  1998  میں کرن جوہر کی ہدایت کاری میں بننے والی ان کی پہلی فلم ’کچھ کچھ ہوتا ہے‘ میں سلمان خان نے ایک مختصر کردار ادا کیا تھا ۔

سوشل میڈیا پر اس حوالے سے یہ خبریں گردش کر رہی ہیں کہ سپراسٹار سلمان خان فلمساز نے کرن جوہر کی میگا ایکشن فلم کے لئے رضامندی ظاہر کردی ہے ، جس کی یدایت کاری کے فرائض وشنو وردھن سرانجام دیں گے۔

ذرائع کے مطابق فلم میں سلمان خان ایک فوجی افسر کا کردار کرتے نظر آئیں گے ، جس کی شوٹنگ رواں سال دسمبر میں شروع ہوگی۔

یہ بھی کہا جا رہا ہے کہ اس فلم میں مرکزی ہیروئن کے کردار کے لئے تامل سپراسٹارز سمانتھا، انوشکا شیٹی اور ترشا سے بات چیت چل رہی ہے، تاہم ابھی تک کسی بھی اداکارہ کو فلم کے لیے کاسٹ نہیں کیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں