امریکی گلوکارہ میڈونا نے گینیز ورلڈ ریکارڈز میں اپنی پوزیشن مزید مستحکم کرلی۔

65  سالہ پاپ گلوکارہ، اداکارہ، ڈائریکٹر اور مصنفہ میڈونا کا پورا نام میڈونا لوئس ہے۔

گینیز بک آف ورلڈ ریکارڈ کے مطابق ان کا شمار اپنے دور کی کامیاب ترین گلوکارہ میں کیا جاتاہے۔

سال 1983 میں میڈونا کا گانا امریکی چارٹ میں شامل ہوا اور جنوری 1984 میں یہ 16ویں نمبر پر آ گیا، اس کے بعد اُن کے دیگر گانے بھی بے حد مقبول ہوئے۔

بین الاقوامی ذرائع ابلاغ کے مطابق رواں ہفتے گینیز ورلڈ ریکارڈز کی جانب سے گلوکارہ کی فروخت کی گئی البم کے اعداد و شمار اپ ڈیٹ کیے گئے جس کے بعد میڈونا اپنی پوزیشن میں مزید مستحکم ہوگئیں۔

اعداد و شمار کے مطابق میڈونا نے یہ ریکارڈ اپنے 40 سالہ کیریئر میں 40 کروڑ سے زائد ریکارڈز فروخت کر کے نام کیا ہے۔

ان کے پاس یہ ریکارڈ سال 2009 سے ہے جبکہ کئی نامور گلوکارائیں تاحال اس ریکارڈ کے قریب بھی نہیں پہنچ سکیں۔

میڈونا نے رواں ماہ کے ابتداء میں اپنے 78 شو سیلبریشن ٹور کا آغاز کیا ہے جو اپریل 2024 میں اختتام پزیرہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں