شادی مرد اور عورت کے درمیان ایک نہایت خوبصورت اور مقدس ترین بندھن ہے یہ زندگی کا ایک ایسا رشتہ ہے جس میں دونوں فریق ایک دوسرے کے بغیر ادھورے ہیں اور ان کا ساتھ ایک دوسرے کو مکمل کرتا ہے وقت کے ساتھ محبت بڑھنے لگتی اور بچوں کے ساتھ یہ رشتہ اور بھی مظبوط ہوجاتا ہے۔

اگر دونوں کے درمیان محبت، خلوص، اعتماد اور ذہنی ہم آہنگی وقت کے ساتھے بڑھتی رہے تو پھر ایسے جوڑے اپنی سلور، گولڈن اور پلاٹینم جوبلی مکمل کرتے ہیں ایسا ہی ایک خوبصورت جوڑا پاکستان شوبز انڈسٹری میں صاحبہ اور ریمبو کا ہے جنہوں نے گزشتہ روز اپنی شادی کی  25 وی سالگرہ منائی۔

کہتے ہیں کہ رشتہ یا تعلق کسی بھی نوعیت کا ہو اگر دونوں فریق ایک دوسرے کے ساتھ محبت سے جڑے رہیں تو یہ رشتے کو لازوال بنا دیتا ہے ایسا ہی کچھ رشتہ صاحبہ اور ریمبو کے درمیان ہے۔

صاحبہ اور ریمبو انڈسٹری میں سب سے زیادہ پسند کی جانے والی مشہور جوڑیوں میں سے ایک ہے۔ یہ دونوں فلم کے بڑے ستارے ہیں جنہوں نے فلم کے ساتھ ڈراموں میں میں بھی اپنی عمدہ اداکاری کے جوہر دکھائے ہیں۔

صاحبہ اور ریمبو کی شادی کی کہانی کسی فیری ٹیل سے کم نہیں ہے، دونوں ہی ایک دوسرے  سے محبت کرتے تھے اور شادی کرنا چاہتے تھے تاہم صاحبہ کی والدہ جو کہ خود بھی فلم انڈسٹری کی ایک معروف اداکارہ ہیں نے صاحبہ کے غیر مستقل مزاجی کی وجہ سے وہ اس رشتے سے انکار کرتی رہیں اور لوگ یہ سمجھتے ہیں کہ انہیں یہ رشتہ پسند نہیں تھا، تاہم ریمبو کو یقین تھا کہ وہ اپنی ممکنہ ساس کو جیت لیں گے۔ انہوں نے صاحبہ کے لیے گھر بنایا اور تمام ضروری اشیاء جو ایک گھر کے لیے اہمت رکھتی ہیں گھر میں سجا دی۔  آخر کار دونوں کی محبت رنگ لے آئیں، اور یہ خوبصورت فلمی جوڑا حقیقی زندگی میں شادی کے بندھن میں بندھ گیا۔

صاحبہ اور ریمبو کی شادی 25 سال قبل ایک خوبصورت تقریب میں ہوئی تھی اور ان کا شمار شوبز کے ان چند جوڑوں میں ہوتا ہے جنہوں نے اتنی کامیاب ازدواجی زندگی گزاری ہے۔ اس خوبصورت جوڑے کے دو بیٹے ہیں، اور اب ان کے بیٹا احسن نے بھی اداکاری کے میدان میں قدم رکھ دیا ہے۔ گزشتہ روز دونوں نے اپنی شادی کی سلور جوبلی مکمل کی اور قریبی دوستوں اور اہل خانہ کے ہراہ سالگرہ کا جشن منایا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں