بھارت کی معروف اداکارہ انکیتا لوکھنڈے نے آنجہانی اداکار سشانت سنگھ راجپوت سے اپنے قریبی تعلقات ختم ہونے کی اصل وجہ بتادی۔

حال ہی میں اداکارہ انکیتا لوکھنڈے نے یوٹیوبر، شاعر اور اسٹینڈ اپ کامیڈین منور فاروقی سے سشانت سنگھ سے بریک اپ کے موضوع پر گفتگو کرتے ہوئے بتایا کہ میرا اور سشانت کا رشتہ 2010 میں ڈرامہ ‘پووتر رشتہ’ کے سیٹ پر شروع ہوا۔

انہوں نے کہا کہ ہم دونوں کی دوستی اسی سیٹ پر ہوئی جو بعد میں محبت میں بدل گئی، ہم دونوں ایک ساتھ بہت خوش تھے لیکن میری زندگی صرف ایک رات میں تبدیل ہوئی۔

ان کا کہنا تھا کہ ہمارا بریک اپ 2016 میں ہوا، مجھے کچھ سمجھ نہیں آیا کہ یہ ہوا کیا ہے، بس ایک رات وہ (سشانت) بغیر بتائے غائب ہوگیا، ان دنوں اس کے بالی ووڈ کیرئیر کی شروعات تھی، سو لوگ کان بھرنے والے بھی ہوتے ہیں، بس ایسے سشانت میری زندگی سے چلا گیا۔

اداکارہ انکیتا لوکھنڈے نے کہا کہ اگر وہ مجھے چیزیں بتاکر کرتا یا بتادیتا کہ رشتہ نہیں رکھنا تو میں ذہنی طور پر تیار ہوتی، اتنا سب اچانک ہوا کہ مجھے لگا میری زندگی سے سب کچھ ختم ہوگیا، اس سب میں میرے والدین نے میرا بہت ساتھ دیا۔

انہوں نے کہا کہ جب سشانت کی موت ہوئی اور میں اس کے لیے کھڑی ہوئی تو لوگوں نے کہنا شروع کردیا کہ اگر انکیتا سشانت کی زندگی میں ہوتی تو یہ سب نہ ہوا ہوتا، لوگ اس وقت کہاں تھے جب میں بریک اپ کا سامنا کررہی تھی، اس وقت لوگوں نے نہیں کہا کہ انکیتا کے ساتھ سشانت کو ہونا چاہیے تھا۔

واضح رہے کہ بھارتی اداکار سشانت سنگھ راجپوت نے 14 جون 2020 کو بظاہر ڈپریشن کے باعث خودکشی کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں