خلیل الرحمان قمر ماضی میں ہوئے افسوسناک واقعے کو یاد کرکے آبدیدہ

ویب ڈیسک

16th Oct, 2023. 06:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خلیل الرحمان قمر ماضی میں ہوئے افسوسناک واقعے کو یاد کرکے آبدیدہ

معروف پاکستانی ڈرامہ نگار اور شاعر خلیل الرحمن قمر اپنے ماضی میں ہوئے افسوسناک واقعے کو یاد کرکے آبدیدہ ہوگئے۔

حال ہی میں اپنے دیے گئے ایک انٹرویو میں ڈرامہ نگار خلیل الرحمن قمر نے بتایا کہ 13 نومبر کا دن بدترین اور تکلیف دہ تھا جسے میں کبھی بھلا نہیں پاﺅں گا۔

انہوں نے کہا کہ میں اس وقت ایک بینک میں نوکری کرتا تھا اور ہمارے پاس اس وقت گاڑی نہیں ہوتی تھی، ہمارے پاس موٹرسائیکلیں تھیں، ایک میں پیٹرول ختم ہو گیا تھا تو دوسری سے نکال کر اس میں ڈال رہے تھے کہ اسی دوران دروازے پر دستک ہوئی۔

ان کا کہنا تھا کہ دروازے پر دستک سن کر وہ پیٹرول کی بوتل وہیں چھوڑ کر دروازے کی طرف چلے گئے، ان کی فیملی کے کچھ افراد اور بیٹی باہر سے سیر کر کے آئے تھے، بیٹی پیاسی تھی اور اس نے پیٹرول پی لیا جو اسٹیل کے ایک گلاس میں نکال کر رکھا تھا۔

خلیل الرحمن قمر کے مطابق بدقسمتی سے میں وہاں تاخیر سے پہنچا اور میری اڑھائی سال کی بیٹی انتقال کرگئی مجھے آج تک وہاں موجود نہ ہونے کا صدمہ ہے جبکہ بیٹی کے انتقال پر میں دھاڑیں مار مار کر رویا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں