پاکستانی ہارر فلم ‘ان فلیمز’ بین الاقوامی فیچر فلم کی کیٹیگری کے لیے آسکر ایوارڈ کی دوڑ میں شامل ہوگئی ہے۔

پاکستانی اکیڈمی سلیکشن کمیٹی کی جانب سے فلم ‘اِن فلیمز’ کو پاکستان سے آسکر کے لیے نامزد کردیا گیا ہے۔

پاکستانی اکیڈمی سلیکشن کمیٹی کے چیئرپرسن محمد علی کا کہنا تھا کہ ’چیئرمین کے طور پر یہ بہت فخرکی بات ہے کہ ہم نے ’ان فلیمز‘ کو 96 ویں اکیڈمی ایوارڈز میں بین الاقوامی فیچر کیٹیگری کے لیے جمع کروادیا ہے۔‘

اس فلم کے ڈائریکٹر ضرار خان اور پروڈیوسر انعم عباس ہیں جنہوں نے یہ ایک ہارر فلم بنائی ہے۔

اس فلم کی کہانی ماں بیٹی کے گرد گھومتی ہے جو اپنے خاندان کو بچانے کے لیے پُراسرار طاقتوں سے الجھ جاتی ہے۔

اس فلم کی کاسٹ میں اداکارہ رمیشہ نوال، بختاور مظہر، عمیر جاوید اور سینئر اداکار عدنان شاہ ٹیپو شامل ہیں۔

قابل ذکر بات یہ بھی ہے کہ رواں سال اس ہارر پاکستانی فلم ’ان فلیمز‘ نے عالمی سنیما گھروں میں خوب پذیرائی سمیٹی ہے، جس میں کانز فلم فیسٹول، ٹی آئی ایف ایف، سٹجز، بوسان ٹو ریڈ سی شامل ہیں۔

 سال سال پاکستانی اکیڈمی سلیکشن کمیٹی کی جیوری میں اداکار احمد علی اکبر، ہدایت کار بلال لاشاری، سماجی کارکن اور مصنفہ فاطمہ بھٹو، اداکار فواد خان، ایونٹ منیجر فریحہ الطاف، فلمساز حیا فاطمہ اقبال، فلمساز مدیحہ سید، ہدایت کار مہرین جبار، اداکارہ نادیہ افگن اور ہدایت کار صائم صادق شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں