بھارت کا سب سے زیادہ پسندیدہ ریئلٹی شو ’بگ باس‘ کے سیزن 17 کا آغاز حال ہی میں ہوا جس کے متعلق اہم خبر سامنے آگئی ہے۔

غیر ملکی خبر رساں ادارے کے مطابق دہلی ہائی کورٹ نے ریئلٹی ٹیلی ویژن شو بگ باس کی غیر منظور شدہ نشریات پر روک لگا دی ہے اور کہا ہے کہ غیر قانونی طور پر اس کے مواد کو نشر کرنے والی ویب سائٹس سے پائریسی کو فروغ ملے گا۔

مدعی نے عدالت کو بتایا کہ وہ اپنے ٹیلی ویژن چینلز اور او ٹی ٹی پلیٹ فارم پر ہندی سمیت مختلف فارمیٹس میں اس شو کو نشر کرتا ہے، لیکن “بگ باس” کے نام کے ساتھ کئی ویب سائٹس پر پروگرام کو غیر قانونی طریقے سے نشر کیا جارہا ہے جس کی وجہ سے انہیں مالی طور پر نقصان کا سامنا کرنا پڑ سکتا ہے۔

بعدازاں عدالت نے، ٹیلی ویژن چینلز کی طرف سے دائر کیے گئے مقدمے کو نمٹاتے ہوئے کہا کہ اس پروگرام کو “بہت زیادہ مقبولیت” حاصل ہے اور اس کے مواد کی غیر قانونی ترسیل، شو کے کاپی رائٹ کی خلاف ورزی ہوگی۔

عدالت کے حکم کے مطابق اس طرح کی ویب سائٹس  کو اجازت دینے کا مقصد پائریسی کو فروغ دینا اور چینل کو مالی نقصان پہنچانا ہے۔

رپورٹ کے مطابق جو ویب سائٹس اس شو کو غیر قانونی طور پر نشر کرنے میں ملوث تھیں انہیں فوری طور پر بند کرنے کا حکم جاری کیا گیا ہے اور آئندہ اس شو کو غیر قانونی طور پر نشر کرنے والی کسی بھی ویب سائٹس کے خلاف فوری ایکشن لینے کا بھی حکم دیا گیا ہے۔

بگ باس، ایک مقبول ترین ریئلٹی شو ہے جس کی میزبانی سلمان خان کرتے ہیں، جو بالی ووڈ انڈسٹری کے سب سے بڑے سپر اسٹارز میں سے ایک ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں