عالمی شہرت یافتہ معروف بھارتی گلوکار اے آر رحمان بڑی مشکل میں پھنس گئے ہیں۔

بھارتی میڈیا کے مطابق روف ہندوستانی کلاسیک گلوکار استاد فیاض واصف الدین ڈگر نے اے آر رحمان پر کاپی رائٹ کی خلاف ورزی کا الزام لگاتے ہوئے مقدمہ دائر کر دیا۔

انہوں نے عدالت میں اے آر رحمان اور دوسرے پروڈیوسرز پر الزام لگایا کہ گانا ’ویرا راجہ ویرا‘ کی کمپوزیشن شیوا ستوتی سے نقل کی گئی ہے، جسے ان کے والد ناصر فیاض الدین ڈگر اور چچا ظہیر الدین ڈگر نے ترتیب دیا تھا۔

دہلی ہائی کورٹ نے میوزک کمپوزر اے آر رحمان کو حکم دیا کہ وہ پونیئن سیلوان پارٹ 2 کے گانے ویرا راجہ ویرا کی خام ریکارڈنگ پیش کریں کیونکہ ہندوستانی کلاسیک گلوکار فیاض واصف الدین ڈگر نے آے آر رحمان کے خلاف کاپی رائٹ کی خلاف ورزی کا مقدمہ دائر کیا ہے۔

گانوں کو سننے کے بعد جسٹس پرتھیبا ایم سنگھ نے مشاہدہ کیا کہ ”بیٹ اور تال میں یقینی طور پر کچھ مماثلت ہے، اس میں کوئی شک نہیں ہے“، جسٹس پرتھیبا ایم سنگھ نے اے آر رحمن کے وکیل سے کہا، ”آپ کو اپنی خام ریکارڈنگ کو زیور یا کمپیوٹر سے تیار کردہ سامان کے بغیر پیش کرنا پڑے گا۔“

حکم نامے میں عدالت نے واضح کیا کہ وہ موجودہ مرحلے پر کوئی مشاہدہ نہیں کرنا چاہتی لیکن اے آر رحمان کو الزامات کا جواب دینا ہوگا، عدالت اس معاملے کی اگلی سماعت 7 نومبر کو کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں