بالی ووڈ اداکارہ کنگنا رناوت کی ہدایت کاری میں بننے والی پہلی فلم ’ایمرجنسی‘ کی ریلیز ملتوی کردی گئی ہے۔

غیر ملکی خبر رساں ادارے کے مطابق اداکارہ کی ہدایت کاری میں بننے والی پہلی فلم کی ریلیز التواء کا شکار ہوگئی ہے جس کے متعلق خود کنگنا نے اپنے سوشل میڈیا پوسٹ کے ذریعے آگاہ کیا ہے۔

Dear friends,

Advertisement

I have an important announcement to make, Emergency movie is the culmination of my entire life’s learnings and earnings as an artist.
Emergency is not just a film for me it’s a test of my worth and character as an individual.
Tremendous response that our teaser and…

— Kangana Ranaut (@KanganaTeam) October 16, 2023

نیشنل ایوارڈ یافتہ اداکارہ نے ایکس (ٹوئٹر) پر اہم اعلان کیا اور آنے والی فلم سے جڑے اپنے جذبات کی وضاحت کی۔

کنگنا رناوت نے فلم کے ٹیزر پرموصول ہونے والے ردعمل اور اس کی ریلیز کی تاریخ کے بارے میں شائقین کے جوش و خروش کے متعلق بات کی ۔

انہوں نے بتایا کہ ان کی مصروفات کو دیکھتے ہوئے ان کی ٹیم نے فلم ’ایمرجنسی‘ کی ریلیز کو ملتوی کرنے کا فیصلہ کیا جو کہ رواں سال نومبر میں ریلیز ہونے والی تھی۔

انہوں نے مزید کہا کہ ’ایمرجنسی‘ کی ریلیز کی نئی تاریخ کا اعلان جلد ہی کیا جائے گا جو کہ متوقع طور پر سال 2024 میں ہوگی۔

رپورٹ کے مطابق ‘ایمرجنسی’ کا پہلا ٹیزر پرومو جون میں جاری کیا گیا تھا ، جس میں بھارت میں ایمرجنسی کے دور میں افراتفری اور ہنگامہ آرائی کی ایک جھلک پیش کی گئی تھی۔ اندرا گاندھی کے طور پر کنگنا رناوت کی آواز نے شائقین پر گہرا اثر چھوڑا تھا۔

“ایمرجنسی” اداکارہ کا بطور ہدایتکار پہلا پروجیکٹ ہے جس کا اعلان سال 2021 میں کیا گیا تھا جس  میں انوپم کھیر، ملند سومن، ماہیما چوہدری، آنجہانی ستیش کوشک، اور شریاس تلپڑے سمیت کئی اہم نام کاسٹ میں شامل ہیں۔

اس کے علاوہ اس فلم میں سرمایہ کاری کرنے کی خاطر اداکارہ نے اپنی جائیداد بھی مورگیج کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں