گوگل کے ڈوڈل نے آج لیجنڈ پاکستانی مزاح نگار، مصنف، کالم نگار، کارٹونسٹ اور ٹی وی پروڈیوسر فاروق قیصر المعروف انکل سرگم کو ان کی 78 ویں سالگرہ پر خراج تحسین پیش کیا ہے۔

فاروق قیصر مشہور کٹھ پتلی کردار “انکل سرگم” کے خالق کے طور پر مشہور ہیں، انہوں نے پاکستان بھر میں بچوں اور بڑوں کے دلوں میں اپنے اس منفرد کردار کے ذریعے جو جگہ بنائی وہ آج بھی قائم ہے۔

انکل سرگم ، نوے کی دہائی میں سرکاری ٹی وی پر نشر کیے جانے والے شو ’کلیاں‘ کا مرکزی کردار تھا، جسے بنانے اور اسے آواز دینے والے نامور فنکار فاروق قیصر تھے۔

کلیاں شو ویسے تو بچوں کے لیے تھا لیکن اس میں موجود ہلکا پھلکا طنز و مزاح بڑوں کی بھی متوجہ کرتا تھا۔

نامور پروڈیوسر سلیمہ ہاشمی نے فاروق قیصر کو 1970 میں”اکڑ  بکڑ‘‘ کے ذریعے ٹی وی پر متعارف کرایا تھا۔

انکل سرگم کے علاوہ اُن کے مشہور پتلی کرداروں میں ماسی مصیبتے، ہیگا، شرمیلی، رولا، اور نونی پا بھی شامل ہیں۔

فاروق قیصر ماہر کارٹونسٹ بھی تھے اور زندگی کے آخری دنوں تک مختلف اخبارات کے لیے کارٹونز بھی بناتے رہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں