آنجہانی گلوکار سدھو موسے والا کا نیا گانا جاری

ویب ڈیسک

17th Nov, 2023. 01:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آنجہانی گلوکار سدھو موسے والا کا نیا گانا جاری

آنجہانی نامور پنجابی گلوکار اور ریپر سدھو موسے والا کا نیا گانا ‘واچ آؤٹ’ جاری کردیا گیا ہے۔

29 مئی 2022 کو سدھو موسے والا کو دن دیہاڑے فائرنگ کرکے ہلاک کر دیا گیاتھا، ان کی موت کے بعد ریلیز ہونے والا یہ ان کا پانچواں گانا ہے۔

سدھو موسے والا قتل کیس میں اب تک درجنوں گرفتاریاں کی جا چکی ہیں، گینگسٹر لارنس بشنوئی کو بھی مرکزی ملزم کے طور پر نامزد کیا گیا ہے۔

دیوالی کے موقع پر سدھو موسے والا کا یہ گانا یوٹیوب پر جاری کیا گیا ، جس نے انٹر نیٹ پر دھوم مچا دی ہے۔

‘واچ آؤٹ’ نامی اس گانے کو ریلیز کے بعد پانچ دنوں میں اب تک 15 ملین سے زیادہ مرتبہ دیکھا اور سنا گیا ہے۔

گانا واچ آؤٹ :

ساڑھے 3 منٹ پر مبنی اس گانے کے بول شدید دشمنی، انتقام اور ہتھیاروں کے گرد گھومتے ہیں، جو آنجہانی گلوکار کا میوزیکل ٹریڈ مارک ہے۔

حالیہ ریلیز کیے گئے گانے میں سدھو موسے والا کے ساتھ سکندر کاہلو بھی شامل ہیں، وہ اپنے ریپ میں کہتے ہیں کہ ’جسم چاہے جائے پچھتاوا نہیں، بے ضمیر انسان نہیں ہونا چاہیے۔‘

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں