بالی ووڈ فلم انڈسٹری کے معروف و سینئر اداکار نانا پاٹیکر سے فلم کی شوٹنگ کے دوران تھپڑ کھانے والے مداح کا اہم بیان سامنے آگیا ہے۔

چند روز قبل اداکار نانا پاٹیکر کی ایک ویڈیو خوب وائرل ہوئی تھی جس میں انہوں نے سیلفی لینے پر نوجوان مداح کو تھپڑ مارا تھا۔

#WATCH | वाराणसी में फिल्म जर्नी की शूटिंग कर रहे नाना पाटेकर का फैन को थप्पड़ मारते हुए वीडियो वायरल हो गया। फैन नाना पाटेकर संग सेल्फी लेने पहुंचा तो अभिनेता ने गुस्से में उसके सिर पर थप्पड़ मारा। फिल्म की यूनिट के सदस्य ने लड़के की गर्दन पकड़कर भगाया। pic.twitter.com/oU2WrY2Bv1

— Hindustan (@Live_Hindustan) November 15, 2023

اس ویڈیو کے وائرل ہونے کے بعد سینئر اداکار کو مداح کے ساتھ غیر مناسب رویے پر خاصی تنقید کا نشانہ بنایا گیا تھا جس کے بعد نانا پاٹیکر نے ایک ویڈیو بیان جاری کیا تھا جس میں انہوں نے مداح سے معافی مانگی تھی۔

ویڈیو بیان میں ان کا کہنا تھا کہ تھپڑ لگانا  فلم کے اسکرپٹ کا حصہ تھا جس کی ریہرسل کی جارہی تھی جب وہ لڑکا ہمارے سامنے آیا تو ہمیں لگا یہ وہی لڑکا ہے جسے ہم نے ایکٹنگ کے دوران تھپڑ لگانا ہے لیکن جب ہمیں احساس ہوا کہ یہ وہ لڑکا نہیں تب تک وہ لڑکا بھاگ چکا تھا، ہم نے انہیں بلانے کی کوشش کی لیکن وہ بھاگ چکے تھے۔

#WATCH | On a viral showing him slapping a boy for taking a selfie with him, actor Nana Patekar says, “A video is going viral where I have hit a boy. Though this sequence is a part of our film, we had one rehearsal…We were scheduled to have a second rehearsal. The director told… pic.twitter.com/CVgCainRg1

— ANI (@ANI) November 16, 2023

اداکار کے مطابق آج تک میں نے کسی مداح کو تصویر کیلئے نہیں روکا جو بھی ہوا غلطی سے ہوا جس کی ہم ہاتھ جوڑ کر معافی مانگتے ہیں۔

نانا پاٹیکر کی اس معافی کے بعد اب اُس نوجوان مداح کا بھی بیان سامنے آگیا ہے۔

مداح کا کہنا ہے کہ میں اپنے گھر میں موجود تھا جب مجھے پتا چلا کہ باہر فلم کی شوٹنگ ہورہی ہے، میں شوٹنگ دیکھنے کے لیے باہر آیا تو میں نے دیکھا کہ سامنے نانا پاٹیکر ہیں، میں سیلفی کے لیے اُن کے پاس گیا لیکن اُنہوں نے میرے ساتھ سیلفی لینے کے بجائے مجھے تھپڑ مار کر وہاں سے بھگا دیا۔

لڑکے نے نانا پاٹیکر کے بیان کی تردید کرتے ہوئے کہا کہ اداکار کا مجھے تھپڑ مارنا اُن کی فلم کا حصہ نہیں تھا، نانا پاٹیکر جھوٹ بول رہے ہیں، اُنہوں نے مجھے جان بوجھ کر تھپڑ مارا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں