بالی ووڈ فلم انڈسٹری کے معروف و سینئر اداکار نانا پاٹیکر نے سیلفی لینے پر نوجوان مداح کو تھپڑ مار دیا جس کی ویڈیو سوشل میڈیا پر وائرل ہوگئی۔

بھارتی میڈیا کے مطابق اِن دنوں اداکار نانا پاٹیکر اپنی نئی فلم کی شوٹنگ میں مصروف ہیں اور اسی شوٹنگ کے دوران ایک حیران کُن واقعہ پیش آیا جس کی ویڈیو نے سوشل میڈیا پر تہلکہ مچادیا۔

حال ہی میں ایک ویڈیو سوشل میڈیا پر خوب وائرل ہورہی ہے جس میں دیکھا جاسکتا ہے کہ نانا پاٹیکر کی فلم کی شوٹنگ ایک مصروف سڑک پر ہورہی تھی جہاں عام عوام بھی موجود تھی، اسی دوران ایک نوجوان مداح بڑی خوشی سے موبائل ہاتھ میں لیے نانا پاٹیکر کے قریب آیا اور اُن کے ساتھ سیلفی لینے لگا۔

#WATCH | वाराणसी में फिल्म जर्नी की शूटिंग कर रहे नाना पाटेकर का फैन को थप्पड़ मारते हुए वीडियो वायरल हो गया। फैन नाना पाटेकर संग सेल्फी लेने पहुंचा तो अभिनेता ने गुस्से में उसके सिर पर थप्पड़ मारा। फिल्म की यूनिट के सदस्य ने लड़के की गर्दन पकड़कर भगाया। pic.twitter.com/oU2WrY2Bv1

Advertisement

— Hindustan (@Live_Hindustan) November 15, 2023

جیسے ہی مداح نانا پاٹیکر کے ساتھ سیلفی لینے لگا تو اُنہوں نے اپنے مداح کو تھپڑ مار دیا۔

یہ ویڈیو جیسے ہی سوشل میڈیا پر وائرل ہوئی تو صارفین نے اداکار پر کڑی تنقید کی اور کہا کہ “نانا پاٹیکر کا یہ رویہ ناقابلِ قبول ہے، اُنہیں اپنی اور مداح کی عُمر کا لحاظ کرنا چاہیے تھا”۔

ایک سوشل میڈیا صارف نے لکھا کہ “درحقیقت ہم عام لوگوں نے ہندوستان میں ان اداکاروں اور کھلاڑیوں کو خدا کا درجہ دیا ہوا ہے، اس لیے ہمیں تھپڑ کھانے کے لیے تیار رہنا ہوگا جبکہ ایک اور صارف نے لکھا کہ ہمارے اصل ہیرو فلمی پردے پر نہیں بلکہ سرحد پر ہوتے ہیں”۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں