بالی وڈ کی ہٹ فلم ’تنو ویڈز منو‘ کی مقبول جوڑی کنگنا رناوت اور آر مدھاون 8 سال بعد پھر ایک ساتھ جلوہ گر ہوں گے۔

ہٹ رومانٹک کامیڈی فلم  تنو ویڈز منو ریٹرنز میں ان کی دلکش اداکاری کے آٹھ سال بعد، کنگنا رناوت اور آر مدھاون ایک بار پھر ایک نفسیاتی تھرلر فلم میں ساتھ کام کر رہے ہیں۔

اس اعلان کے بعد اس اسٹار جوڑی کے مداحوں میں جوش و خروش کی لہر دوڑ گئی ہے جو انہیں اسکرین پر دوبارہ ساتھ دیکھنے کے لئے بے صبری سے منتظر ہیں۔

اداکارہ کنگنا رناوت نے انسٹاگرام پر چنئی میں فلم کی شوٹنگ کے آغاز کی ایک جھلک شیئر کی ہے۔

اس پوسٹ میں انہوں نے لکھا کہ آج چنئی میں ہم نے اپنی نئی فلم کی شوٹنگ کا آغاز کیا، یہ فلم ایک نفسیاتی تھرلر ہے، دیگر تفصیلات جلد سامنے آئیں گی۔

Today in Chennai we started filming our new film, a psychological thriller.
Other details coming soon.
For now need all your support and blessings for this very unusual and exciting script pic.twitter.com/GERsIYLsR7

— Kangana Ranaut (@KanganaTeam) November 18, 2023

کنگنا رناوت نے مزید لکھا کہ انتہائی غیر معمولی اور دلچسپ اسکرپٹ کے لیے فی الحال آپ کے تعاون اور دعاؤں کی ضرورت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں