بنگلادیش کی معروف اداکارہ حمیرا ہیمو 37 سال کی عمر میں پُراسرار طور پر انتقال کر گئیں۔

بھارتی میڈیا کے مطابق اداکارہ حمیرا ہیمو کو بےہوشی کی حالت میں ڈھاکہ کے ایک اسپتال لے جایا گیا، تاہم ڈاکٹروں نے اُنہیں مردہ قرار دے دیا۔

ڈاکٹروں نے چیک اپ کے دوران اداکارہ حمیرا کی گردن پر ایک ہلکا سا نشان دیکھا اور اداکارہ کی موت پر تشویش کا اظہار کرتے ہوئے پولیس کو اطلاع دی۔

اسپتال انتظامیہ کے مطابق حمیرا کو اُن کا ایک دوست بےہوشی کی حالت میں اسپتال لیکر آیا تھا لیکن پولیس کے پہنچنے سے پہلے ہی وہ دوست اسپتال سے فرار ہوگیا۔

رپورٹس میں بتایا گیا کہ حمیرا کے دوست کے فرار ہونے کے بعد پولیس کو شک ہے کہ اداکارہ کی موت میں شاید اُس دوست کا ہاتھ ہے۔

پولیس نے اداکارہ کی موت کے کیس کی تحقیقات کا آغاز کردیا ہے جبکہ دوست کی تلاش جاری ہے۔

واضح رہے کہ حمیرا ہیمو نے اپنی اداکاری کے کیرئیر کا آغاز 2006 میں تھیٹر سے کیا تھا اور پھر سیریز “چھایا بیتھی” سے ٹیلی ویژن انڈسٹری میں قدم رکھا۔

 حمیرا ہیمو نے کئی ٹی وی سیریلز میں کام کرنے کے بعد فلموں میں بھی اپنی اداکاری کے جوہر دکھائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں