اسلام کی خاطر شوبز انڈسٹری سے کنارہ کشی اختیار کرنے والی سابق اداکارہ نور بخاری  سیاست میں قدم رکھنے کا اعلان کرتے ہی خبروں کی زینت بن گئی ہیں۔

میڈیا رپورٹس کے مطابق استحکام پاکستان پارٹی کے چیف آرگنائزر عون چودھری کی اہلیہ  نور بخاری بھی الیکشن میں حصہ لے رہی ہیں۔

ان کا اصل نام ’سارا مغل بخاری‘ ہے جنہیں نے فلم و ڈراموں میں کام کرنے سے قبل اپنا نام تبدیل کرکے نور بخاری رکھ لیا تھا۔

نور بخاری نے 2012 میں عون چودھری سے شادی کی تھی لیکن چند ماہ بعد ہی یہ رشتہ ختم ہوگیا تھا لیکن 2020 میں انہوں نے دوبارہ عون چودھری  سے ہی شادی کرلی۔

نور بخاری نے اپنی پہلی شادی ہندو مذہب سے تعلق رکھنے والے وکرم نامی ہندو بزنس مین کے ساتھ کی تھی، اس کے  بعد دوسری نامور پروڈیوسر فاروق مینگل اور  پھر تیسری  شادی نامور گلوکار حامد علی خاں کے صاحبزادے ولی حامد خاں سے کی ۔

ذرائع کے مطابق سابق اداکارہ نے آئی پی پی کی جانب سے خواتین کی مخصوص نشست کے لیے کاغذات بھی جمع کروادئیے ہیں۔

نوربخاری پنجاب اسمبلی کی مخصوص نشست سے پارٹی لسٹ میں تیسرے نمبر پر ہیں، انہوں نے استحکام پارٹی کی جانب سے پی پی 163 سے کاغذات نامزدگی جمع کروائے  ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Noor Bukhari (@realnoorbukhari)

واضح رہےکہ اس سے قبل ٹک ٹاک اسٹار صندل خٹک نے خیبر پختونخوا سے خواتین کی مخصوص نشست پر کاغذاتِ نامزدگی جمع کرا وائے۔

 ٹک ٹاکر صندل خٹک نے اپنے جاری کردہ ایک بیان میں کہا کہ کس سیاسی جماعت سے وابستہ ہوں، اس حوالے سے ابھی نہیں بتا سکتی۔

انہوں نے کہا کہ میرے آبائی علاقے میں مسائل ہیں، ان کے حل کے لیے میدان میں نکلی ہوں۔

یہ بھی پڑھیں: نور بخاری عمرہ کی ادائیگی کے لیے مدینہ میں والدہ اوربہن کے ہمراہ موجود

ان کا کہنا تھا کہ خواتین کو با اختیار بنانا میرا مقصد ہو گا، گیس ہمارے علاقے کی ہے لیکن وہاں گیس نہیں ملتی۔

ٹک ٹاک اسٹار صندل خٹک نے مزید کہا کہ خواتین کو گیس، بجلی اور پانی کے مسائل کا سامنا ہے، ہمارے علاقے میں سڑکیں ادھوری بنا کر چھوڑی دی گئی ہیں۔