بھارت کی مشہور و معروف اداکارہ پائل گھوش نے سابق بھارتی کرکٹر عرفان پٹھان سے متعلق شرمناک انکشاف کردیا ہے۔

حال ہی میں سماجی رابطے کی ویب سائٹ ایکس پر اداکارہ پائل گھوش نے لکھا کہ وہ سابق بھارتی کرکٹر عرفان پٹھان کے ساتھ تعلقات میں تھیں۔

انہوں نے لکھا کہ اکشے کمار اور گوتم ان کے پیچھے پڑے تھے اور یہ بات عرفان پٹھان کے علم میں تھی، گوتم گمبھیرمجھے باقاعدگی سے مسڈ کالز دیتا تھا، یہ عرفان کو بہت اچھی طرح پتہ تھا۔ وہ میری سب کالز چیک کرتا تھا۔

اداکارہ نے اپنے ماضی کے حوالے سے لکھا کہ اُن کے پیچھے اکشے کمار اور گرتم گھمبیر سب پڑے تھے لیکن انہیں صرف عرفان سے پیار تھا اور ان کے علاوہ کوئی نظر نہیں آتا تھا۔ اور وہ یہ سب باتیں عرفان کو بتاتی تھیں، سب کی مسڈ کالز بھی دکھاتی تھیں کیونکہ وہ بس عرفان سے پیار کرتی تھیں اور کسی سے نہیں۔

ان کا کہنا تھا کہ 2011 سے عرفان پٹھان کو5 سال تک ڈیٹ کرنے کے بعد سب ختم ہوگیا۔ بھارتی کرکٹر سے بریک اپ کے بعد وہ بیمار ہوگئی تھیں اور اسی لیے کئی سال تک کام بھی نہیں کرسکیں۔

واضح رہے کہ پائل نے رشی کپور اور پریش راول کے ساتھ فلم ’پٹیل کی پنجابی شادی‘ سے بالی ووڈ میں قدم رکھا تھا۔ وہ ٹیلی ویژن شو ’ساتھ نبھانا ساتھیا‘ میں بھی نظر آئی تھیں۔