فلم دیکھ کر اپنے 3 گھنٹے ضائع کردیے؛ معروف بھارتی کرکٹر کی "انیمل" پر کڑی تنقید

فلم دیکھ کر اپنے 3 گھنٹے ضائع کردیے؛ معروف بھارتی کرکٹر کی “انیمل” پر کڑی تنقید

ویب ڈیسک

07th Dec, 2023. 04:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فلم دیکھ کر اپنے 3 گھنٹے ضائع کردیے؛ معروف بھارتی کرکٹر کی “انیمل” پر کڑی تنقید

بھارتی کرکٹ ٹیم کے فاسٹ بولر جے دیو اندکٹ نے بالی ووڈ فلم انڈسٹری کے مشہور و معروف اداکار رنبیر کپور کی ایکشن تھرلر ہٹ فلم “انیمل” پر کڑی تنقید کی ہے۔

حال ہی میں کرکٹر جے دیو اندکٹ نے سماجی رابطے کی ویب سائٹ ایکس پر اپنے جاری کردہ ایک بیان میں کہا کہ فلم انیمل ایک آفت ہے، آج کے دور میں بدگمانی کی تعریف کرنا اور پھر اسے محض ‘روایتی مردانگی’ کا نام دینا ایک رسوائی ہے کیونکہ ہم جنگل یا محلوں میں نہیں رہ رہے اور نہ ہی ہم جنگیں لڑ رہے ہیں۔

انہوں نے کہا کہ اس سے کوئی فرق نہیں پڑتا کہ اداکاری کتنی اچھی تھی، ہمیں انتقام اور تشدد وغیرہ کو لاکھوں لوگوں کے سامنے اپنی فلموں میں نہیں دکھانا چاہیے۔

ان کا کہنا تھا کہ مجھے بُرا لگ رہا ہے کہ میں نے اپنے 3 گھنٹے ایک ایسی فلم دیکھنے میں ضائع کر دیے۔

بھارتی فاسٹ بولر نے فلم ‘انیمل’ کے بارے میں اپنے خیالات کا اظہار کرنے کے بعد پوسٹ ڈیلیٹ کردی، تاہم اُن کی پوسٹ مختلف سوشل میڈیا پلیٹ فارمز پر وائرل ہورہی ہے۔

خیال رہے کہ سندیپ ریڈی وانگا کی ہدایتکاری میں بننے والی فلم ’اینیمل‘ میں رنبیر کپور، انیل کپور، بوبی دیول اور رشمیکا مندانا مرکزی کرداروں میں بڑی اسکرین پر جلوہ گر ہوئے ہیں۔