پاکستان شوبز انڈسٹری کی معروف اداکارہ، میزبان و پروڈیوسر نوشین مسعود انتقال کر گئیں۔

حال ہی میں معروف اداکار عدنان صدیقی نے سماجی رابطے کی ویب سائٹ ایکس پر اداکارہ کے انتقال کی تصدیق کی۔

Farewell to the remarkable Nausheen Masud, dear friend and beautiful soul. Her warmth and style added magic to every moment we shared on and off camera. Grateful for the memories we co-created. Rest peacefully, Nausheen. pic.twitter.com/xqn97UGcHl

— Adnan Siddiqui (@adnanactor) December 6, 2023

نوشین مسعود گزشتہ کچھ عرصے سے کینسر میں مبتلا اور زیرِ علاج تھیں، جس کی تصدیق ان کے سابق شوہر طارق قریشی نے بھی کی ہے۔

مرحومہ کے سوگواروں میں ان کے موجودہ شوہر عمران اور 2 بیٹے شامل ہیں۔

یاد رہے کہ نوشین مسعود نے کراچی کے سینٹ جوزف کالج سے انڈسٹریل ڈیزائننگ میں بی اے کی ڈگری حاصل کی تھی۔

انہوں نے ڈرامہ سیریل جال، کالونی 1952ء، گھر تو آخر اپنا ہے، ڈولی کی آئے گی بارات سمیت مختلف ڈراموں میں اداکاری کی جبکہ انداز اپنا اپنا سمیت مختلف پروگرامز میں میزبانی کی خدمات انجام دیں۔

تخلیقی صلاحیتوں کی مالک نوشین مسعود نے جنون، شہزاد رائے، جنید جمشید، عامر ذکی، جواد احمد سمیت کئی معروف گلوکاروں کی میوزک ویڈیوز بھی ڈائریکٹ کی ہیں۔