بھارتی اداکارہ کی خودکشی؛ معروف اداکار کو پولیس نے گرفتار کرلیا

ویب ڈیسک

08th Dec, 2023. 02:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی اداکارہ کی خودکشی؛ معروف اداکار کو پولیس نے گرفتار کرلیا

جنوبی بھارتی فلم پشپا کے اداکار جگدیش کو ایک اداکارہ کی خودکشی کے الزام میں گرفتار کرلیا گیا ہے۔

بھارتی میڈیا کی رپورٹ کے مطابق جگدیش نے اداکارہ کو مبینہ طور پر جنسی ہراساں کرنے کی کوشش کی جس سے تنگ آکر اس نے خودکشی کرلی۔

اداکار جگدیش - فوٹو: فائل

رپورٹ میں بتایا گیا کہ جگدیش نے حیدرآباد کی ایک جونیئر آرٹسٹ کی تصاویر اس کی اجازت کے بغیر اس وقت بنائیں جب وہ نامناسب حالت میں تھی۔

انہوں نے آنجہانی اداکارہ کو ہراساں کیا، ان کی تصاویر ایک اور شخص کو بھی دکھائیں اور دھمکی دی کہ وہ انہیں سوشل میڈیا پر ریلیز کردیں گے۔

اداکارہ نے ذہنی دباؤ کا شکار ہونے کے بعد 29 نومبر کو خودکشی کرلی تھی۔

پولیس کا کہنا ہے کہ واقعے کی تفتیش میں اداکار جگدیش مبینہ طور پر خاتون کو ہراساں کرنے میں ملوث پائے گئے جنہیں حراست میں لے کر عدالت میں بھی پیش کردیا گیا۔

عدالت نے جگدیش کو 14 روزہ ریمانڈ پر پولیس کے حوالے کردیا ہے۔