پاکستان کی معروف اداکارہ سجل علی اور احد رضا میر کی طلاق کی تصدیق ہوگئی۔

پاکستان فلم اور ٹی وی کی نامور اداکارہ ریشم نے حال ہی میں ایک پوڈ کاسٹ میں دوران گفتگو کرتے ہوئے تصدیق کی کہ فنکار جوڑی سجل علی اور احد رضا میر کی شادی ختم ہو چکی ہے۔

انہوں نے کہا کہ سجل علی کی شادی ٹوٹی تو بہت دکھ ہوا، مجھے اس سے بہت پیار ہے وہ مجھے بہت اچھی لگتی ہے، اس کے ساتھ میں نے کام بھی کیا ہے۔

اسی دوران فلمسٹار ریشم نے صف اول کے اداکار عمران اشرف اور اداکارہ کرن اشفاق کی شادی ختم ہونے پر بھی افسوس کا اظہار کیا۔

انوں نے مزیدکہاکہ ان کے علاوہ شوبز میں یا اس سے باہر جو شادیاں ختم ہوئیں ان کا مجھے بہت دکھ ہے، وہ ٹوٹنی نہیں چاہیے تھیں۔

واضح رہے کہ گزشتہ برس مارچ سے سجل علی اور اداکار احد رضا میر کی علیحدگی کی خبریں سوشل میڈیا پر گردش کر رہی ہیں لیکن دونوں کی جانب سے فی الحال طلاق کے حوالے سے کسی قسم کا کوئی بیان سامنے نہیں آیا۔

سجل علی کا نام پاکستان شوبز انڈسٹری میں کسی تعرف کا محتاج نہیں وہ ایک خوبصورت ماڈل اور انتہائی باصلاحیت اداکارہ ہیں جنہوں نے کئی سپر ہٹ ڈراموں اور فلموں میں اپنی بہترین اداکاری سے اپنے آپ کو منوایا ہے۔

سجل علی آنگن، یقین کا سفر، یہ دل میرا، صنف آہن، عشق لا اور کچھ ان کہی جیسے ہٹ ڈراموں میں اپنی غیر معمولی اداکاری کے لیے بے حد شہرت رکھتی ہیں۔