اداکارہ عائزہ خان ڈرامے کی شوٹنگ کے دوران بڑے حادثے سے بال بال بچ گئیں، جس کی ویڈیو سوشل میڈیا پر کافی وائرل ہو رہی ہے۔

عائزہ خان پاکستان شوبز انڈسٹری کی ایک خوبرو اور نامور اداکارہ ہیں، جو اب کسی تعریف کی محتاج نہیں۔

عائزہ خان نے ٹی وی کے کئی سپر ہٹ ڈراموں میں لازوال کردار ادا کیے ہیں، جو کہ ان کی پہچان بن گئے۔

آج کل وہ ایک نجی ٹی وی کے ڈرامے ’میں‘ میں ایک  مغرور اور امیر لڑکی مبشرہ جعفر کا کردار نبھا رہی ہیں، جس پر سامعین کی جانب سے انہیں ملے جلے ردعمل کا سامنا ہے۔

بلاک بسٹر ڈرامہ ’میرے پاس تم ہو‘ سے شہرت کی بلندیوں کو چھونے والی عائزہ خان ایک بہترین ماڈل بھی ہیں ۔

عائزہ خان نے انسٹاگرام پر اپنے ڈرامے کے سیٹ سے ایک ویڈیو شیئر کی ہے جس میں وہ ایک آگ لگی شال کو اٹھا کر پھینکتی ہوئی نظر آتی ہیں۔

اس ویڈیو کے کیپشن میں انہوں نے لکھا کہ اداکار بننا کوئی آسان کام نہیں، جب ہدایتکار لفظ ایکشن کہتا ہے تو ہم یہ بھول جاتے ہیں کہ آگے کیا ہونے والا ہے اور بس اپنی بہترین پرفارمنس دینے کی کوشش کرتے ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Galaxy Lollywood (@galaxylollywood)

عائزہ خان نے مزید لکھا کہ کبھی کبھار سیٹ پر کچھ ایسے حادثے بھی پیش آجاتے ہیں جو ناظرین نہیں دیکھ پاتے لیکن اللہ ہماری حفاظت کر رہا ہوتا ہے اور میں اللہ کی انتہائی شکرگزار ہوں کہ وہ ہر ایک دن میری حفاظت کرتا ہے۔

یہ بھی پڑھیں: عائزہ خان نے مداحوں سے معافی مانگ لی

اس وائرل ویڈیو میں دیکھا جاسکتا ہے کہ جب عائزہ خان آگ لگی ہوئی شال کو پھینک رہی ہوتی ہیں تو اسی دوران آگ کے کچھ شعلے زمین پر پھیل جاتے ہیں، جیسے ہی وہ اپنے قدم پیچھے لیتی ہیں تو ان کے پاؤں ان آگ کے شعلوں پر پڑتے ہیں لیکن اسی وقت ایک خاتون ان کو نام سے پکار کر آگاہ کر تی ہیں اور عائزہ فوری طور پر وہاں سے ہٹ کر خود کو بچا لیتی ہیں۔