بالی ووڈ کے نامور اداکار شریاس تلپڑے کو اکشے کمار کی فلم ’ویلکم ٹو دی جنگل‘ کی شوٹنگ کے بعد دل کا دورہ پڑنے پر فوری طور پر اسپتال منتقل کردیا گیا ہے۔

میڈیا آؤٹ لیٹس کے مطابق، فلم اور ٹی وی اداکار شریاس تلپڑے، جو ‘اوم شانتی اوم’، ‘اقبال’ اور ‘گول مال’ فرنچائز میں اپنے کام کے لیے مشہور ہیں، جمعرات کی شام کو ‘ویلکم 3’ کی شوٹنگ کے بعد دل کا دورہ پڑا ہے ۔

رپورٹس میں بتایا گیا ہے کہ اداکار کو فوری طور پر ممبئی کے اندھیری ویسٹ کے بیلیو اسپتال لے جایا گیا جہاں ان کی انجیو پلاسٹی کی گئی۔

اداکار کے قریبی ذرائع کے مطابق، ملک کی ایک مقامی اشاعت نے تصدیق کی کہ اداکار ٹھیک تھے اور اکشے کمار کی زیر قیادت ملٹی اسٹارر ٹائٹل کے لیے پورا دن شوٹنگ بھی کی یہاں تک کہ اس نے ایسے سیکونسز بھی شوٹ کیے جن میں تھوڑا سا ایکشن بھی تھا۔

شوٹنگ ختم کرنے کے بعد، وہ گھر واپس چلے گئے اور اپنی بیوی کو بتایا کہ وہ بہتر محسوس نہیں کر رہے جسے کے بعد انہیں فوری طور پر اسپتال لے جایا گیا جس دوران ان کی حالت اور خراب ہوگئی۔

شریاس تلپڑے کو آخری بار ہندوستانی کرکٹر پروین تامبے کی اسپورٹس بائیوپک میں دیکھا گیا تھا، جس نے 41 سال کی عمر میں آئی پی ایل میں قدم رکھا تھا اور اب وہ کنگنا رناوت کے انتہائی متوقع فلم ‘ایمرجنسی’ کے ساتھ سلور اسکرین پر واپسی کے لئے تیار ہیں۔