ہانیہ عامر کا شمار پاکستان کی خوبصورت اور باصلاحیت اداکاراؤں میں ہوتا ہے، پڑوسی ملک بھارت میں بھی ان کے مداحوں کی تعداد روز بہ روز بڑھ رہی ہے۔

انہیں ڈرامہ ’میرے ہمسفر‘ کے باعث پاکستان کے ساتھ ساتھ بھارت میں بھی خوب شہرت اور پذیرائی ملی۔

سال 2019 میں عاصم اظہر اور ہانیہ عامر نے فیشن ویک میں ایک ساتھ ریمپ واک کرکے تمام افواہوں کا مثبت جواب دیا تھا کہ وہ ایک دوسرے کو ڈیٹ کر رہے ہیں لیکن ایک سال کے بعد اداکارہ کی گلوکار عاشر وجاہت کے ساتھ ویڈیو وائرل ہونے پر سب بدل گیا۔

سال 2022 میں عاصم اظہر نے ماڈل و اداکارہ میرب علی سے منگنی کرلی اور اب ہانیہ عامر ان کا صرف ماضی ہیں۔

ہانیہ عامر نے حال ہی میں اداکار، میزبان اور کامیڈین احمد علی بٹ کے پوڈکاسٹ میں شرکت کی اور  مختلف موضوعات پر کھل کر اظہار خیال کیا۔

احمد علی بٹ نے ہانیہ عامر سے کہاکہ آپ کو نہیں لگتا کہ سب کچھ سوشل میڈیا پر شئیر کرکے آپ خود کو نقصان پہنچا رہی ہیں کیونکہ اس سے لوگوں کا آپ کی نجی زندگی میں دخل زیادہ ہوجاتا ہے جیسا آپ کے ساتھ ماضی میں آپ کا ریلیشن شپ پبلک ہونے کی وجہ سے ہوا؟‘

ہانیہ عامر نے عاصم اظہر کا نام لیے بغیر جواب دیا کہ اس کی سب سے اچھی بات یہ تھی کہ میں نے اس کے ہر لمحے سے لطف اٹھایا ، مجھے اس پر رتی برابر بھی افسوس نہیں ہے اور برا یہ تھا کہ جب یہ ٹوٹا تو میں اس کو بچانے کے لیے کچھ بھی نہ کرسکی مگر مجھے اس پر کوئی افسوس نہیں ہے کیونکہ میں نے اپنی عقل اور سمجھ کے مطابق جیسا میں چاہتی تھی ویسا ہی کیا اور میں اس پر بہت خوش تھی۔

یہ بھی پڑھیں: ہانیہ عامر کے نعرے لگانے پر عاصم اظہر نے طالبعلم کی کلاس لے لی