پاکستان انٹرٹینمنٹ انڈسٹری کی معروف اداکارہ یمنیٰ زیدی نے سال 2023 میں حاصل ہونے والی تمام تر کامیابیوں کے متعلق اپنے خیالات کا اظہار کیا ہے۔

اداکارہ نے اپنے انسٹاگرام پوسٹ کے ذریعے رواں سال حاصل ہونے والی تمام تر کامیابیوں ترقی کے متعلق بات کی ہے۔

اداکارہ نے اپنے پوسٹ میں اپنے رواں سال اپنے مقبول ترین ڈرامہ سیریل ’تیرے بن‘ سے حاصل ہونے والی شہرت اور کامیابی، اپنی ڈیبیو فلم ’نایاب‘ اور پاکستان بھر میں سب سے زیادہ پسند کی جانے والی اداکارہ کا ایوارڈ حاصل کرنے پر شکر ادا کیا ہے۔

اس حوالے سے اپنی انسٹا اسٹوری پر یمنیٰ زیدی نے سال 2023 کے اختتام اور آنے والے سال کو سب کے لئے بہترین اور خوشگوار سال قرار دیا اور ساتھ ہی اپنے جذبات کی عکاسی کرتے ہوئے کہا کہ زندگی خوبصورت ہے، آپ کو بس اسے محسوس کرنا ہوگا۔

اداکارہ نے اپنے پوست میں مزید کہا کہ، وقت کے لمحہ بہ لمحہ پہلو کو اجاگر کیا اور زندگی کی خوبصورتی کے لیے گہری تعریف کا اظہار کیا۔

انہوں نے اپنے مداحوں کو ان انمول لمحات کو تسلیم کرنے اور ان کی قدر کرنے کی تلقین کی جو زندگی کے ہر مرحلے پر مشتمل ہوتے ہیں، بشمول بچپن، جوانی، بڑھاپا اور اس کے ساتھ ملنے والے انعامات۔